Fa’ailoa au’ili’iliga ‘o suiga ‘o Suāvai ‘e Tolu (Three Waters)

‘Ua fa’amaonia ‘e le Kapeneta se ‘auala po’o se faiga fou, ‘e tiliva ma fa’atino ai ‘au’aunaga ‘o suāvai, ‘ina ‘ua toe fa’alēaogāina lauliliuga na faia ‘i le Three Waters ‘a le Faigāmālō ‘a le Labour lea na mavae atu. 

‘O le Minisita mō Faigāmālō Lāiti, Simeon Brown sa faia le fa’asilasilaga, ‘e vave mafai ‘e fa’alāpotopotoga ‘o council-controlled organisations – pe ta’ua ‘o CCOs, ‘ona o lātou taulimaina se fa’aopōopoga ‘o tupe nonō mai le Lālā ‘o Fa’aputugā Tupe ‘a Faigāmālō Lāiti.  ‘O lea vaegātupe, ‘o le ‘ā mafai ‘ona o’o atu ‘i le 500 pasene, ‘o tupe galue ‘a se CCOs po’o fa’alāpotopotoga ‘o lo’o pūleaina ‘e pūlēgānu’u, pe ‘āfai ‘o lo’o lagolagoina ‘e le fa’amalumaluga ‘o ā lātou pūleganu’u.  Na saunoa Brown, ‘o lona uiga, ‘o le ‘ā mafai ‘e fa’alāpotopotoga ‘ona fa’aluaina le tupe ‘e mafai ‘ona o lātou nonōina mai.  ‘O lo’o iloilo fo’i ‘e le mālō ma le fa’alāpotopotoga fa’a’unetupe, le si’itia ‘o le tapula’a mō ‘aitālāfu, pe ono o’o atu lava ‘i le 350 pasene ‘o ā lātou tupe maua, mō pūlēgānu’u ia ‘e maualuga lava le tupu tāolaola ‘o a lātou tamao’āiga, ma tatala fo’i le avanoa ‘e nonō atu ai tupe ‘i CCOs ia ‘e lē lagolagoina ‘e fa’amalumaluga ‘o lātou pūlēgānu’u.  Na saunoa le pulenu’u ‘o Porirua, Anita Baker, ‘ua fesoasoani tele le fa’asilasilaga pei ‘ona faia ‘e le mālō ‘i le asō ‘i le Local Water Done Well mō lu’itau tetele ‘o lo’o lātou feagai ai, ‘e fa’aleleia ai ‘au’aunaga mō suāvai. 

Link to RNZ (Article) translated by Savelina Kasiano: https://www.rnz.co.nz/news/political/524487/new-details-of-three-waters-replacement-revealed

ATA: RNZ / REECE BAKER.
Consumer Affairs Minister Andrew Bayly, LGFA chair Craig Stobo, and Local Government Minister Simeon Brown at the morning announcement.