Fa’ailoa au’ili’iliga ‘o aiaiga fou mō le lokaga ‘o se tagata

‘Ua fa’alauiloa ‘e le Minisitā ‘o Fa’amasinoga ni aiāiga fou pē fa’apēfea ‘e tagata lautele, ‘ona mafai ‘ona tāofia pe ta loka tagata ‘i lalo ‘o le fa’afouga ‘o se tūlafono ‘e tete’e atu ai ‘i gāioiga fa’asolitūlāfono ‘o lo’o faia āga’i ‘i pisinisi.

Na saunoa Paul Goldsmith, ‘o le taimi nei, ‘e lēai se tasi ‘o mafai ‘ona puipuia ‘e aofia ai pisinisi ma leoleo faitoto’a (security guards) mai le tūlāfono pe ‘ā fai lātou te tāofia ma ta loka ni tagata ‘e gaoiina ni ‘oloa ‘i lalo ifo ‘o le $1000 ni tau aofa’i, ‘i se taimi ‘o le aso.

‘O nisi ‘o vāega ‘o lo’o aofia ‘i le lauliliuga ‘o ia aiāiga pei ‘ona fa’aalia ‘i le aso ananafi, ‘o le suiga ‘o le Tūlāfono ‘o Soligātūlāfono, Crimes Act ‘ina ‘ia mafai ‘e tagata lautele ‘ona tāofi se gāioiga ‘o lo’o pā puipuia ‘i lalo ‘o lea tūlāfono, ‘i so’o se taimi ‘o le aso mā ‘e alagātatau ‘i se tagata na te lokaina pe taofia se tagata ‘ona fa’afeso’ota’i leoleo ma mulimuli ‘iā lātou fa’atonuga.

‘O ia suiga ‘o le ‘ā maua ai ‘e pisinisi nisi mea faigāluega fa’aopoopo, ‘e tali atu ai ‘i tagata ia ‘e faia ia āmioga ‘o le gāoi mai a lātou pisinisi ‘o lo’o tausi ai ‘i lātou ma āfāina ai le ola ‘o le tamāo’āiga pei ‘ona saunoa le minisitā.

‘O Sunny Kaushar lea ‘ua ta’ita’ifono ‘i le fa’alāpotopotoga ‘e fautuaina le minisitā mō ē ‘e a’afia ‘ona ‘o gāioiga fa’asolitūlāfono ‘e āfāina ai pisinisi.  ‘E 1.8 miliona tālā le pāketi ‘i le tausaga mō lea fa’alāpotopotoga, ma e lātou te faia fautuaga mō le mālō.

Link to RNZ (Article) translated: https://www.rnz.co.nz/news/political/543061/details-of-new-citizen-s-arrest-rules-unveiled

ATA: RNZ / Finn Blackwell