Fa’agāsolo tapula’a mō tupulaga talavou 16 tausaga aga’i lalo

‘E ‘amata atu ‘i le asō ona ‘amata fa’agāsolo ni tapula’a mō tupulaga talavou ‘i luga le facebook ma le messenger, pei ona fa’asilasila ‘e le Meta ‘i le asō. Peita’i, ‘o lo’o faitioina pea le kamupanī, ‘i le lē lava ‘o le va’ai mamao ma sā ‘o lo’o ta’ialaina ai le fa’aaogāaga ‘e talavou ta’i 16 tausaga āga’i lalo, ‘e mafai ai ona ‘o lātou tāofiofi mea lē lelei ‘e āga’i iai talavou luga le facebook.

Fa’aalia ‘e le fa’atonu ‘o le Meta ‘i lenei ītūlagi Mia Garlick ‘e fa’apea,’o le ‘ā ‘otometi lava le puipui malu ‘o ‘upega ‘o feso’ota’iga ‘o le facebook mō talavou ta’i 16 tausaga ma lalo ifo. Fa’atapula’a fo’i tagata ‘e mafai ona lafoina ‘i talavou ni feau tusitusia auala atu ‘i le messenger. ‘E amata atu ‘i le 10 i le pō ona tāofi le toe fa’ailoaina ‘i talavou ‘o notifications, ma o le ‘ā faia foi pā puipui ‘i mea ‘e lē tatau ona faitau pē matamata ai luga ‘o le faebook. ‘O le ‘ā iai fo’i le avanoa ‘e mafai e mātua ona poloka talavou mai le fa’aaogāaga ‘o le Instagram, facebook ma le messenger ‘i le pō. ‘E mafai fo’i ‘e mātua ona faitau ma iloa tagata o lo’o talanoa ai ā lātou fānau.

‘O le aso 10 ‘o Tēsema ‘e amata ai le sā ‘a ‘Ausetalia, ‘e fa’asā ai tamaiti lalo ifo ‘o le ta’i 16 tausaga ona o  luga o ‘upega o feso’ota’iga. Lea ‘o lo’o va’ava’ai ai fo’i Niu Sila ‘e faata’ita’i ia Ausetalua. ‘I ta’iala fou ‘o le ‘ā mo’omia ai e le talavou sona ata po’o se ID ‘e fa’amaonia ai fa’amaumauga, pe a fia tatala sana itulau ‘i le facebook, e mo’omia fo’i se fa’amāoniga mai se tagata matua. 

Link to RNZ (Article) translated: https://www.rnz.co.nz/news/national/574159/meta-to-restrict-under-16s-on-facebook-but-critics-sceptical-tools-will-reduce-harm

ATA: RNZ.