Fa’agāsolo le Pili ‘e toe fa’afo’i ai sitiseni ‘o tagata Sāmoa

‘Ua fa’aalia le agaga fiafia ‘o le Vāega Fa’a’upufai ‘a le Labour ‘ina ‘ua fa’ailoa le mālosi ‘o le lagolago mai totonu ‘o le Palemene ‘ua iai nei ‘i le Pili ‘o le Sitiseni Sāmoa ‘a’o fa’agāsolo atu ‘i le faitauga lona lua.  Pei ‘ona lausilafia, ‘o le Pili lenei, ‘o le ‘ā mafai ai ‘e tagata Sāmoa na fānanau mai le aso 13 Me 1924 ‘e o’o atu ‘i le aso 1 Ianuari 1949, ‘ona maua le sitiseni Niu Sila.  Mā ‘o nei sitiseni na ‘ave’esea ‘e le tūlāfono ‘i le 1982. 

Na saunoa le tama’ita’i faipule Carmel Sepuloni, ‘o le so’o’upu ‘a le Labour mō Tagata Pasefika, ‘o le toe fa’asa’oga lea ‘o se sesē na faia ‘i tagata na soifua ‘i Sāmoa ia sā ‘ave’esea o lātou sitiseni ‘i lalo ‘o le Tūlāfono 1982, sa agava’a muamu ‘i ai.  Sā ia momoli ai lana fa’afetai ‘i le faitau afe ‘o tagata sā fa’ao’oina atu ‘o latou finagalo tusitusia ma fa’aleoina, ‘o ē sā sāvavali ‘i magāala ma fa’ailoa o lātou finagalo ‘i le komiti.  Sā ia fa’afetaia fo’i le ali’i faipule ‘o Teanau Tuiono ‘ona ‘o le tu’ufa’atasiga ‘o lea pili, na fa’aui atu ‘i le pālota.  ‘Ua fa’ailoa ai le tāua ‘o le iai ‘o faipule Pasefika ‘i totonu ‘o vāega fa’a’upufai ta’itasi, mā ‘e ui ‘o ‘i lātou ‘o faipule Pasefika ‘i totonu ‘o vāega fa’a’upufai ‘ese’ese, peita’i, ‘ā o’o loa ‘i matā’upu fa’apēnei, ‘e gālulue fa’atasi lava mō le manuia lautele ‘o ō tātou tagata.

Link to Release translated by Savelina Kasiano: https://www.labour.org.nz/news-release_bill_restoring_samoan_citizenship_progresses

ATA: Sāmoa Capital Radio (file).