Fa’agāsolo fa’amainoga ‘o le tinā, tu’ua’ia ‘i le misitēlio lilo ‘o le ma’i ‘o lana tama

‘Ua tē’ena ‘e se tinā ona mōliaga ‘uma ‘i se fa’amasinoga ‘ua ‘āmataina ‘i le vāiaso nei ‘i Nelesoni.  ‘O lo’o tete’e ‘i mōliaga ‘e fā, ‘o le lē lelei ‘o le va’aiga ‘o lana tama, fa’apea ai ma mōliaga ‘e tolu ‘o ni ana gāioiga ‘ina ‘ina a’afia lana tama ‘i le ma’i.

Na tā’ua ‘e se fōma’i fa’apitoa mō tamaiti, ‘e ui ‘i le tele ‘o taumafaiga pito sili ‘ona lelei ‘o le tele ‘o fōma’i fa’apitoa, peita’i sā tūmau pea lo lātou lē iloa pe ‘aiseā na tūmau ai pea ‘ona pae’e ma ma’i le tamaitiiti pei ‘ona ia fa’ailoa ‘i sana molimau ‘i le aoauli ananafi ‘i le aso lona lua ‘o le fa’amasinoga.  ‘E ui ‘e 26 siaki ‘i le fōma’i, 28 taimi na ‘ave atu ai ‘i le falema’i, 13 ta’otoga, 44 fā’ata ma le silia ma le 1000 ‘o su’esu’ega ‘i fale su’e toto, ‘ae sā paso fōma’i fa’apitoa ‘e sa’ili po’o le ā le mea lea ‘e tupu.

‘O le talitonuga ‘o lōia ‘a le mālō, ‘o le solitūlāfono ‘a le tinā, ‘o lona sauāina ‘o lana tama ‘i tūlaga tau ‘i togafitiga.  ‘O le fa’anaunauga ‘a le itū ‘a leoleo, ‘ia fa’amaonia, ‘o le māfua’aga ‘o le ma’i ‘o le tamaitiiti, ‘ona ‘o le faia ma le iloa ‘e lona tinā ‘o gaioiga ‘e fa’aleaga ai fāgā’au ia ‘e fafaga ai le tamaitiiti fa’apea ma fāgā’au ‘o le IV.  ‘O lo’o fa’aauau le fa’amasinoga.

Link to NZHerald Article (republished by RNZ) translated: https://www.rnz.co.nz/news/national/587226/nelson-trial-doctor-tells-high-court-infant-s-mystery-illness-led-to-medical-child-abuse-claim

ATA: Pretoria Gordon / RNZ