Fa’afuase’i ‘ona toe sui: Faitioina ‘e se fai tōfā iloga le Faletupe Fa’aleoleo

‘E 5.25 pasene na fa’apa’ū ‘i ai pasene tului ‘o tupe pei ‘ona fa’ailoa ‘e le Faletupe Fa’aleoleo ‘i le Aso Lulu. 

‘E ui na valo’ia lava ‘e nisi ‘o fai tōfā peita’i, ‘o se suiga tele mai le taimi mulimuli lea na faia ai se fa’aaliga ‘a le faletupe fa’aleoleo ‘i le masina ‘o Me, lea na fa’aalia ai ‘e fa’apea, sa talanoaina ‘e la lātou komiti mō polisi tau tupe, le ono toe iai ‘o se isi si’itaga ‘o pasene tului ‘o tupe, ma ‘e le’o iai se fa’amoemoe ‘e fa’apa’ū ai, se’ia aulia le taimi lenei ‘i le tausaga a sau.  Na saunoa le pule sili ‘o le Infrometrics, Brad Olsen, muamua ‘ae le’i fa’apa’ūina le pasene tului, ‘āfai ‘ae fa’apa’ū le pasene tului po’o le official cash rate ‘i le vaiaso nei, ‘e tatau ‘ona iai tagata ‘e fa’asala, ‘ona ‘o lo’o alualu ‘i luma le tamāo’āiga pei fo’i ‘ona valo’ia ‘e le Faletupe Fa’aleoleo, ‘ina ‘ua fa’ailoa la lātou va’ai mamao, ‘e lē fa’aitiitiina le pasene tului se’ia aulia le 2025.  ‘E fōliga mai na fa’atuatuana’i ‘e le faletupe la lātou gāioiga ‘iā Me ma le fa’amoemoega, ‘e galo ‘i tagata peita’i ‘e lēai pei ‘ona saunoa Olsen.  ‘E 25 basis points na fa’apa’ū ‘ese mai le pasene tului ‘o tupe po’o le official cash rate.

Link to RNZ (Article) translated by Savelina Kasiano: https://www.rnz.co.nz/news/national/525144/biggest-flip-flop-ever-top-economist-slams-reserve-bank

ATA: RNZ.