Fa’afōliga le ‘au tau fa’avalea ‘o ni leoleo ‘e fa’atōsina atu ai tupe ‘a tagata

‘O lo’o ūna’ia ‘e leoleo tagata ina ‘ia mataala pea ‘i faiga tau fa’asesē, talu ‘ona maua ni līpoti ‘e fa’atatau ‘i se tagata ‘o lo’o pepelo ‘o ia ‘o se leoleo, ma tau fa’asesē tagata ‘e mātau atu ai tupe.

‘I se fa’amatalaga mai ‘i le matāgāluega ‘o leoleo, ‘e fa’apea ‘o lo’o fa’aāogāina ‘e ia tagata le īgoa ‘o le matāgāluega ‘o leoleo ‘e sa’ili ai fa’amatalaga patino ma fa’amaumauga ‘o teugātupe mai tagata lautele. ‘E tele matā’upu fa’apea na alia’e mai le ‘amataga ‘o ‘Aukuso, ma ‘e iai nisi ‘ua lokaina ai ‘i ‘Aukilani ma Uēligitone. ‘E to’atolu tagata ‘o lo’o tūla’i ‘i luma ‘o le fa’amasinoga ‘i le taimi nei, ‘e fa’atatau ‘i le taufa’avalea ‘i tagata lima vaivai, ‘i a’ai ‘o ‘Aukilani ma Uēligitone. ‘E 26-tausaga le matua ‘o se taule’ale’a mai Peretānia ‘ua maua ‘e leoleo, ma ‘e silia ma le 330,000 tālā na ia maua mai ‘i faiga taufa’asesē. ‘O tagata mātutua lava ‘e tulituli ‘e ‘i lātou nei, ‘e tusa ai ma līpoti ‘a leoleo.

ATA: NZ Police / FB.