Fa’afetai ‘e leoleo le to’atele na fesoasoani ‘i le sā’iliga ‘o Khyzah

Na fa’afetaia ‘e leoleo le pe ā ma le to’a 200 ‘o tagata na o’o atu ‘e fesoasoani ‘e sa’ili Khyzah, le tamaitiiti lima tausaga na leiloa ‘i le aoauli ‘o le Aso Sā ‘i se fa’ato’aga ‘i Hangaroa ‘e lata ‘i Gisborne. 

Na fa’ato’ā maua le tino maliu ‘o le tamaitiiti ‘i totonu ‘o se tama’i vai ‘eli ‘e fa’ato’a ai le suāvai, ‘i le aoauli ‘o le Aso Gafua.  ‘O lo’o faia su’esu’ega ‘i lona tino maliu mā na momoli ai le fa’afetai ‘a leoleo ‘i tagata ‘o le nu’u, na tutū fa’atasi ‘e sa’ili le tamaitiiti, ma sā iloa ai fo’i le lagolago ma gālulue fa’atasi ‘i taimi faigatā fa’apea.  Na tā’ua ‘e leoleo, ‘o lo’o tu’uina atu la lātou fesoasoani fa’aauau ‘i le ‘āiga ‘i nei taimi faigatā ‘e tauala atu ‘i ā lātou sui ‘i totonu ‘o le iwi mā ‘o le ‘ā fa’atino pea, po’o le ā lava le ‘umi ‘e mo’omiaina ai.

Link to RNZ (Article) translated by Savelina Kasiano: https://www.rnz.co.nz/news/national/525056/police-thank-hundreds-who-turned-out-in-search-for-khyzah

ATA: The headquarters of the search for Khyzah who disappeared from his home on Sunday. (RNZ) / Alexa Cook.