Fa’aauau ‘ona fa’alētonu tala ‘o tupe ‘a le Health NZ

‘O lo’o fa’aauau pea ‘ona fa’alētonu le tūlaga tau tupe ‘a Matāgāluega ‘o le Soifua mālōlōina, ‘e tusa ai ma lana līpoti ta’i kuata tausaga. Peita’i, ‘o lo’o fa’aalia le sōlōga lelei ‘o le pupu’u ‘o taimi fa’atalitali ‘o tagata ‘i le falema’i.

Mō le tausaga ‘e o’o mai iā Iuni, ‘ua o’o atu ‘i le $934 miliona tālā tupe pa’ū – ‘ua fa’aitiitia mai le $299 miliona tālā ‘o tupe fa’asili ‘i le kuata lona tolu ‘o le tausaga. Na tāʻua ‘e le pule sili iā Margie Apa, ‘o le lē lelei ‘o le vaʻaiga ‘e pei ‘o le soloia ‘o le fa’asiliga mai le Kōviti 19, faʻaitiitia le faʻatupega ‘o le Hauora Māori le māfua’aga ‘o le tele ‘o tupe pa’ū. ‘E iai nisi ‘o vāega fa’aleleia ‘o līpoti ‘a le Matāgāluega, ‘e iai le pupu’u ‘o taimi ‘e fa’atalitali ai tagata ‘i EDs, 1.9% ‘ua fa’aitiitia ai le lisi ‘o tagata fa’atalitali ‘e fia va’ai se fōma’i fa’apitoa, si’itia le nūmera ‘o tagata ‘e maua ‘i le kānesa ‘ua vave ona faia togafitiga, ma le si’itia ‘o nūmera ‘o pepe fa’ato’ā fānanau ‘e o’o atu ‘e fai tui puipui māsani. ‘O lo’o mananao le mālō ‘e va’ai ‘i nisi fa’amaumauga fou ma līpoti, ‘e fa’amaonia ai le fa’aleleia ‘o nūmera ‘o tamaiti ‘e oatu ‘e faia tui puipui.

Link to RNZ (Article) translated by Anna Fa’asolo: https://www.rnz.co.nz/news/business/529744/health-nz-s-financial-deficit-blows-out-to-934m

ATA: Sāmoa Capital Radio (file).