Fa’aauau le tapu ‘i tau fa’aopoopo (surcharge) mai cards – Minisitā ‘o Tupe

Na fa’aalia ‘e le Minisitā ‘o Tupe, ‘o le ‘ā fa’aauau le tapu ‘i totogi fa’aopoopo pe ‘ā fa’aaogā le card mō le totōgiga ‘o ni fa’atauga, peita’i ‘o lo’o gālulue pea le mālō ‘i le tele ‘o fa’afitāuli pei ‘ona lāgā ‘e uiga ‘i le tūlāfono.  ‘O le tausaga talu ai, na fa’aalia ai ‘e le mālō, ‘e ‘āmata mai ‘iā Mē ‘i le tausaga nei, ‘ona fa’atino le sā, ‘i tau fa’aopoopo pe ‘ā fa’aaogā credit cards ma le totōgiga ‘o fa’atauga ma ‘au’aunaga ‘i faiga fa’atēkonolosi lea ‘e nā ‘o le talo ai ‘o le card ‘i luga ‘o le māsini (contactless payments), ma ‘e fa’asaoina ai le 65 miliona tālā ‘i le tausaga ‘a tagata Niu Sila.

Peita’i, ‘ua toe ‘ave’esea le lagolago ‘a le ACT.  Na saunoa le Minisitā ‘o Tupe Nicola Willis ‘i le Morning Report ‘a le Radio NZ ‘e tele lava fa’afītāuli na lāgā ‘i le taimi ‘o iloiloga ‘a le komiti fa’apālemene.  ‘Aemaise lava ‘i pisinisi lāiti ma fale’oloa na o lātou fa’ailoaina le tele atu ‘o lu’itau mō ‘i lātou, pe ‘ā ‘ave’esea ia tau ‘e totogi nai lō nisi ‘o pisinisi tetele.

Link to RNZ (Article) by Morning Report: https://www.rnz.co.nz/news/business/597751/card-payment-surcharge-ban-to-go-ahead-finance-minister-says

CAPTION: EFTPOS Machine and paywave
IMAGE/ATA: SCR (file)