Fa’aalia le māfua’aga na fa’amāvae fa’afuase’i ai Adrian Orr mai le tofiga Kōvana – Faletupe Fa’aleoleo

‘Ua fa’alauiloa ‘e le Faletupe Fa’aleoleo se fīnauga ‘e fa’atatau ‘i ni vaegātupe, na māfua ai ‘ona fa’amāvae fa’afuase’i le kōvana, Adrian Orr.  ‘E iai ni pepa ‘o fa’amatalaga na fa’alauiloa ‘e le faletupe ‘i lalo ‘o le Tūlāfono ‘o le Official Information Act, ‘o lo’o fa’aalia ai na fīnau Orr ‘i le Minisitā ‘o Tupe Nicola Willis, ‘e lē’o lava vaegātupe mō le isi lima tausaga ‘o lumana’i.

‘I se pepa ‘o fa’amatalaga na fa’ailoaina fa’atasi ‘e le Faletupe Fa’aleoleo, na tā’ua ai ‘e se so’o’upu, na manino ‘i le tau fa’ai’ui’uga ‘o Fepuari, na naunau le Komiti fa’atonu, sā ta’ita’ifono ai Neil Quigley, ‘e talia se vaegātupe la’itiiti ifo lea sā manatu Orr, ‘o se vaegātupe ‘o lo’o mo’omiaina.  Na lē fiafia ai Orr ma manatu ai ‘i le ono āfāina ma fa’aleagaina so’otaga ma le nofo vā lelei ‘i le gāluega, ma i’u ai ‘ina faia se fa’ai’uga lava ia a Orr, ‘e fa’apea ‘ua ia ‘ausia mea ‘uma ‘i lona tofiga ‘o le Kovana ‘o le Faletupe Fa’aleoleo ma ‘ua lē mafai ‘ona toe fa’aauau ‘i lea matātā, ma le lē lava ‘o tupe, nai lō le aofa’iga sā manatu ‘e talafeagai mō le fa’alāpotopotoga.

Sa fai ‘uma lōia ‘a itū ‘e lua ‘e fa’atalanoa ai se māliliega ‘o le tu’ua fa’afuase’i ai ‘e Orr ‘o le gāluega.  ‘O le aso 5 Mati, na fa’amāvae fa’afuase’i ai Orr ‘ae le’i māe’a tausaga ‘e tolu ‘o totoe ‘o lana gāluega mō tausaga ‘e lima. 

Link to RNZ (Article) translated: https://www.rnz.co.nz/news/political/563790/documents-reveal-why-adrian-orr-suddenly-quit-as-reserve-bank-governor

ATA: RNZ / Dom Thomas