Fa’aali lagona ‘o tagata Kiwi ‘i fa’afītāuli ‘o feagai ai ‘i aso ta’itasi.

‘O vāiaso ta’itasi ‘e fa’agāsolo ai fesili ‘a le polokalame ‘o le ‘Whats your story’ ‘a le leitiō Niu Sila mō tagata Niu Sila. ‘O le vāiaso nei na fesiligia ai tagata, po’o ā ni fa’afītāuli ‘o feagai ma ‘i lātou ‘i le ōlaga ‘o aso ‘uma. ‘O sē tasi ‘o tama’ita’i na tali, ‘o le taugatā ‘o le soifuaga ‘o lo’o laualuga ‘i fa’afītāuli ‘o aso ‘uma fa’apea le lelavā mai ‘i gāluega, ‘e telē lona a’afiaga ‘i le lā mafutaga ma lona to’alua ‘i le fale. Sā tali se taule’ale’a ‘e fa’apea, ‘o le fa’afītāuli ‘o feagai ma tupulaga talavou, ‘o le faigatā na maua ‘o ni gāluega, to’atele tagata talosaga, ‘ae lāiti avanoa faigāluega. ‘O isi na tali, ‘o le tele ‘o faama’i ‘ese’ese ‘ua ofi mai ‘i Niu Sila, ‘ua lē gafatia ai ona toe faigāluega, pē ‘ua pupu’u ai ītūlā faigāluega ‘e fua ‘i le mālosi. ‘O isi ‘o lo’o taumafai ‘e tāofi le fa’aaogāina ‘o fuālā’au fa’asāina.

Link to RNZ (article) translated by Anna Faasolo: https://www.rnz.co.nz/news/national/531853/we-asked-what-are-you-struggling-most-with-at-the-moment-what-s-your-story

Ata: Dr Lance Dome