‘E tatau ‘ona toe mānatunatu Queenstown ‘i tau ‘e tausasami ai tagata ‘i fafo ‘o fale’aiga – fai mai ai le ‘Asosi ‘o Fale’aiga

‘Ua matuā mafatia lava pisinisi talimālō ‘i le maualuluga ‘o si’itaga ‘o tau ‘e totogi ‘e fale’aiga ia ‘e iai a lātou laulau ‘i fafo ‘e tausasami ai tagata ‘e tusa ai ma se fa’amatalaga ‘a la lātou ‘asosi.  Na līpotia ‘i le Checkpoint ‘a le Leitiō Niu Sila ‘i le Aso Lua, ‘o le fa’amatalaga ‘a se fai pisinisi ‘i Queenstown, ‘ua si’itia mai ‘i luga la’itiiti atu ‘o le $3000 lana lāfoga ‘e totogi ‘i le tausaga ‘i le silia ma le $50,000 mō le fa’aaogaga ‘o fafo ‘o lana fale’aiga ‘e tausasami ai tagata. 

‘E 30 pasene le rent po’o le tau mō totonu ‘o fale’aiga pei ‘ona iai tau fou ‘a le Pūlēgānu’u Fa’aitūmālō ‘a Queensland.  Na fa’aalia ‘e le pūlēgānu’u ‘e lēai se fuafuaga ‘e toe iloilo ai tau, peita’i sā tatala atu le avanoa ‘e faia ai ni talanoaga pisinisi talimālō mā ‘e le’i toe suia lava tau talu mai le tausaga ‘e 2006.

Link to RNZ (Article) translated by Savelina Kasiano: https://www.rnz.co.nz/news/national/531002/queenstown-definitely-should-rethink-outdoor-dining-fees-restaurant-association

ATA: RNZ  Photo: 123RF