‘E fa’aluaina le nūmera ‘o Māori ‘e maliliu ‘ona ‘o le ‘ova ‘o le inuina ‘o Fuālā’au

‘E fa’aluaina le nūmera ‘o Māori ‘e māliliu ‘ona ‘o le ‘ova ‘o le inuina ‘o Fuālā’au, pei ‘ona fa’aalia ‘i līpoti ‘a le Drug Foundation ‘i luga ‘o le One News.

Na fa’aalia ‘e Dr Michaela Pettie mai le Iunivesetē ‘o Otago, ‘o ni fa’amaumauga ‘e fa’apopoleina ai. Fa’aalia ‘e Michaela, na te lagolagoina fautuaga ‘a le Drug Foundation ‘ina ‘ia fausia se faiga fou, ‘e māta’itūina ai le so’ona inuina ‘o Fuālā’au, ‘ona ‘e ogaoga a’afiaga ‘e mafai ‘ona maua ai ‘i le lumana’i ma ‘e ono māliliu ai lava. ‘E to’aitiiti le nūmera ‘o Māori ‘e ono sa’ili fesoasoani mō fa’amtalaga ma a’oa’oga ‘i le fa’aaogāaga sa’o ‘o Fuālā’au. ‘E iai laina telefoni ‘e mafai ‘ona fa’afeso’ota’i pe ‘ā fia maua nisi fa’amatalaga ‘e uiga ‘i Fuālā’au, ‘e iai le Alcohol/drug helpline ‘i le 0800 787 797, pē lafo se fe’au tusitusia ‘i le 8681, pē talanoa ‘i lau foma’i fa’ale’āiga.

Link to 1News (Article) translated by Anna Fa’asolo: https://www.1news.co.nz/2024/10/01/maori-are-twice-as-likely-to-die-from-accidental-drug-overdose/

ATA: Sāmoa Capital Radio (file).