Barbara Edmonds ma Simeon Brown mō le Minisitā ‘o Tupe – fai mai ai ta’ita’i ‘o pisinisi

‘Ua fa’aalia finagalo ‘o le Employers & Manufacturers ma le Council of Trade Unions, ‘i faipule ‘e tatau ‘ona ‘avea ma Minisitā ‘o Tupe.  Na saunoa le peresetene ‘o Iuni ‘o le Council of Trade Unions, Sandra Grey, ‘o le afioga ‘a Pesetā Barbara Edmonds, ‘o se Minisitā ‘o Tupe ‘e talafeagai lelei mō tagata faigāluega.  ‘O lana ‘auala, ‘o le fa’amautinoa lea, ‘e tūmau le mālosi ‘o le tamao’āiga, ‘e ala ‘i le tepa taula’i ‘i faiga ‘e fa’amautinoa ai, le gafatia ‘e tagata faigāluega ‘o le fa’alētonu ‘o le tau ‘o le soifuaga lea na ātili fa’ateteleina ‘e fuafuaga lē lelei ‘a Nicola Willis.

‘Ae mausalī le talitonuga ‘o Alan McDonald, se tasi ‘o le pūlega ‘o le Empolyers & Manufacturers, ‘e mautinoa lava ‘o se faipule ‘o le National, masalo ‘o Simeon Brown, ‘ae lagolago ‘i ai ni minisitā mai le ACT ma le NZ First fa’atasi ma se minisitā lagolago mai le National.

Na saunoa Grey, ‘āfai ‘o se faigāmālō so’ofa’atasi ‘e ta’ita’ia ‘e le National, ‘e tatau ‘ona ‘avea le Minisitā ‘o Tupe, ma se tasi ‘e lava lona silafia mai le National.  ‘O lu’itau pito sili ‘ona tetele mō le isi faigāmālō ‘o fa’aolioli mai, ‘o le fai lea ‘o se fuafuaga ‘i le tūlaga ‘o gāluega lea ‘ua pito sili ‘ona maualalo talu mai le ‘ōgātotonu ‘o le vaitau ‘o le 1990 fa’atasi ma le lē gāfatia ‘e ‘āiga ‘ona fa’atupe mea ‘ua matuā mo’omiaina mō le tausiga ‘o le ‘āiga. 

Na fa’aalia ‘e McDonald, ‘e talafeagai fo’i mō pisinisi pe ‘ā fai ‘o Pesetā ‘e filifilia ‘i le Minisitā ‘o Tupe pe ‘ā fai ‘o se faigāmālō so’ofa’atasi ‘a le Labour.   ‘O lona manatu, ‘e sili atu ‘ona to’a le ‘aufaipisinisi pe ‘ā fai latou te iloa ‘o Barbara ‘o le ‘ā filifilia, nai lō isi suafa ia ‘e fa’aōpeopea solo ma laumalu’ia solo mai tua. 

Link to RNZ (Article): https://www.rnz.co.nz/news/business/2530618/simeon-brown-barbara-edmonds-frontrunners-for-finance-minister-business-leaders-say

IMAGE/ATA: RNZ.