‘Ave’esea pusa ‘oloa na tafefea mai le Manawanui

‘Ua ‘ave’esea ‘uma mai le ā’au pusa ‘oloa ‘e tolu ia na tāfefea ‘ese mai le Manawanui ‘e tusa ai ma se fa’amatalaga ‘a le Mālosi’aga ‘o le Puipuiga ‘a Niu Sila.  ‘E 4 aso na fa’atinoina ai lea gāluega faigatā pei ‘ona fa’aalia ‘e Andrew Brown, le sui ta’ita’i ‘o le Navy.  ‘E lua pusa ‘oloa sā le’i iai ni mea ‘i totonu pei ‘ona fa’aalia ‘i se pepa ‘o fa’amatalaga ‘a le Puipuiga ‘a Niu Sila a’o le si tasi, sā iai taumafa, ia ‘ua māe’a ‘ona tanu ‘i se fa’atafunaga ‘o lāpisi.  ‘O le molimau ‘a Brent Ross, ‘o se fai pisinisi, na tāfefea mai ‘i fafo ‘oloa mai se pusa ‘oloa.  ‘O le ‘aso 6 ‘Oketopa na pa’ulia ai le Manawanui ‘i gātaifale ‘o Sāfata.  Na līpotia, ‘o le ‘ā fa’amāmā gāluega ‘i le va’a lea ‘ua goto ‘i le taimi ‘o le fono ‘a le CHOGM ‘o lo’o usuia ‘i Sāmoa ‘ina ‘ia ‘aua ne’i fa’alavelave ‘i taualumaga ‘o le fono.

Link to RNZ (article) translated by Savelina Kasiano: https://www.rnz.co.nz/international/pacific-news/531665/all-containers-from-manawanui-removed-says-nzdf

Ata: New Zealand Defence Force –  RNZN Naval Divers on the scene above HMNZS Manawanui, off the Southern Coast Of Upulo.