‘Ave’esea gāluega ‘a le ‘aufaigāluega pito ‘i luma ‘o le falema’i

‘Ua fa’aalia atugaluga ‘a le ‘aufaigāluega pito ‘i luma ‘i le falema’i, ‘ona ‘ua iai se fuafuaga ‘e fa’amuta a lātou gāluega mō le tausaga fou. ‘O le ‘aufaigāluega ‘a le falemaʻi ‘o le ‘ā a’afia gāluega, ‘e iai le ‘au teu moega, fa’amamā potu ma ‘i lātou ‘e fesoasoani ‘i le fa’atumuina ‘o fata mō meafaigāluega ‘a fōma’i.  ‘E tusa ma le 40 tagata faigāluega lagolago ‘i le falema’i ‘i ‘Aukilani ma Greenlane Clinical Center, na vala’au mō se fonotaga ‘i le vāiaso talu ai ma logoina ‘i ai le tala.  Na fa’ailoa ‘e le ‘aufaigāluega ‘i le leitiō Niu Sila sā fa’ate’ia ‘i lātou, ‘o nisi ‘ua fetāgisi, ma fa’aali ‘o le ‘ā mafatia tagata gasegase pe ‘ā ‘ave’esea a lātou gāluega.

Na tāʻua ‘e le Health NZ Te Whatu Ora ‘e leʻi faia se fuafuaga ‘e faʻateʻaina ia matāfaioi, ‘ae ‘o loʻo faʻailoa mai ‘e ono iai ni suiga.  ‘O lea vāega ‘o le ‘aufaigāluega na fa’avaeina ‘i le taimi fa’ato’ā o’o mai le kōviti-19 ‘i le atunu’u, ‘e fesoasoani ai ‘i fōma’i ma isi ‘au’aunaga ‘i le falema’i.  ‘O le fa’amoemoe ‘o a lātou matāfaioi ‘e lē ‘o ni fa’afōma’i, ‘o le lagolagoina lea ‘o le ‘aufaigāluega ‘i wards ‘ese’ese, pei ‘o le fa’atūlagaga ‘o mea faigāluega ma teu ‘oka fa’apea le fa’amamāaga ‘o moega ‘o ma’i ‘ua te’a. ‘Ua fa’aalia ‘e se tasi ‘o le ‘aufaigāluega ‘o lo’o a’afia ‘i le lisi ‘o le ‘au fa’amālōlō,  ‘ā fai ‘e fa’amuta a lātou gāluega, ‘o le ‘ā fa’amālosia ai fōma’i ‘e faia gāluega ‘e lē tatau ‘ona faia ‘e fōma’i.

Link to RNZ (Article) translated by Anna Fa’asolo: https://www.rnz.co.nz/news/national/535483/front-line-hospital-workers-told-jobs-could-soon-be-gone

ATA: Sāmoa Capital Radio (file).