‘Ausia se matāti’a fou ‘o le tele o’ sala mō paka ta’avale ‘i ‘Aukilani

‘Ua ‘ausia ‘e ‘Aukilani se matāti’a fou ‘i le to’atele ‘o tagata ‘e fa’salaina ‘i le paka sesē ‘o ā lātou ta’avale, ‘e ui ‘ina maua isi līpoti muamua ‘i le fa’aitiitia ‘o sala na tu’uina atu ‘i ‘ave ta’avale. ‘I fa’amaumauga mai le ‘Ofisa ‘o fa’amaumauga aloa’ia ‘a Niu Sila, na fa’aalia ai, ‘e lata ‘i le $49 mīliona tālā le tau aofa’i ‘o sala na tu’uina atu ‘e le Ofisa ‘o Fela’ua’iga ‘a ‘Aukilani ‘i le 2025. ‘O se si’itaga tele pe ‘ā fa’atusatusa ‘i le $18 mīliona tālā ‘o le tau aofa’i ‘o sala ‘i le 2020.

Peita’i, ‘e le’o le to’atele ‘o tagata ‘e fa’asalaina ‘i sala le māfua’aga ‘o le si’itaga ‘i sala, ‘ae ‘o le tetelē ‘o fa’asalaga ‘e tu’uina atu ‘i ‘ave ta’avale. Fa’aalia ‘i fa’amauauga, ‘o le 2024 na si’itia ai ‘i le silia ma le 640,000 ‘o sala na tusi mō ‘ave ta’avale, ‘ae le’i fa’aaitiitia ‘i le 581,638 ‘i le 2025.

Fa’aalia ‘e le ‘Ofisa ‘o Fela’ua’iga ‘a ‘Aukilani, ‘o lea si’itaga fou ‘i tupe ‘e maua mai i sala, ‘e māfua mai ‘i si’itaga fou na faia ‘i le fa’ai’uga ‘o le 2024, lea na si’itia ai sala mō ‘ave ta’avale. ‘O le tele ‘o sala na maua ‘i masini pu’eata, ‘aemaise na toe fa’aaopoopo le isi 9 ‘e fa’aaogā ai masini pu’eata ‘e pu’e ai ta’avale saoasaoa. ‘E 385,887 sala na maua ai ‘i cameras, ma le 254,268 na tusi ‘e leoleo.

Link to RNZ (Article) translated: https://www.rnz.co.nz/news/national/591715/auckland-drivers-hit-with-record-parking-fines

ATA: RNZ / Nick Monro