’Aua ne’i galo ‘ona siaki pē mo’omia sau e–visa pe ‘a e fai malaga

‘O lo’o tūmau pea le mālosi ‘o le tusifolau Niu Sila ‘i le lalolagi, peita’i ‘ua si’itia le nūmera o atunu’u ua tāpā e-visa po’o electronic visas e ulufale ai ‘i isi atunu’u. ‘I fa’amaumauga ‘a le Henley Passport Index, na fa’aalia ai ‘e 187 atunu’u ‘o lo’o mafai ona ulufale ai tagata tusifolau Niu Sila ‘e aunoa ma se visa ‘e mo’omia. Peita’i, ‘o le tele o atunu’u o lo’o fa’aaogāina le e-visa system, lea ‘e mana’omia ai ‘e tagata femālagaa’i le fa’atumu ‘o se pepa i luga o upega tafa’ilagi – ma ‘e māsani ona totogi si tama’i pili, ‘e mafai ai ona maua mai le e-visa ‘e ulufale ai ‘i isi atunu’u.

‘O lona uiga ‘o tagata Niu Sila e malaga atu ‘i ia atunu’u ‘e tatau ona fuafua mamao. ‘O Peretānia ‘e $36 le tau o le e-visa ‘e mafai ai ona ulufale atu ai ma nofo ‘i le umi ‘e 6 māsina. ‘E 90 aso ‘e mafai ai ona nofo ‘i le Iunaite Setete, pe ‘a malaga ‘i le e-visa pe ā ma le $21, ‘ae mafai ona fealua’i ai ‘i totonu ‘o le 2 tausaga. ‘E mo’omia fo’i ia itū’āiga visa ‘e ulufale ai ’i Zimbabwe, Saudi Arabia, Kuwait, Ioritana ma Aikupito. ‘E tāua le siaki muamua ‘o luga ‘o ‘upega tafa’ilagi aloa’ia ‘a mālō ‘o atunu’u, ‘ae le’i fuafua ‘e malaga ese atu.

Link to 1News (Article) translated: https://www.1news.co.nz/2025/06/20/travelling-soon-dont-forget-to-check-if-you-need-an-e-visa/

ATA: 1News.