‘Āmata polokalame mō le soifua mālōlōina ‘o le māfaufau ‘i EDs

‘Ua fa’alauiloa ‘e le Minisitā ‘o le Soifua Mālōlōina ‘o le Māfaufau Matt Doocey, ‘e lima matāgāluega ‘o fa’alavelave fa’afuase’i ‘i falema’i (EDs), ‘o le ‘ā fa’ata’ita’i ai ni ‘au’aunaga fesoasoani ma lagolago ‘i ē ‘e iai a’afiaga ‘o le soifua mālōlōina ‘o le māfaufau, ma a’afia ‘i le lē mafai ‘ona tu’u fuālā’au fa’asāina ma le ‘aisa.

‘O lea polokalame ‘e fa’amoemoe ‘e fesoasoani ai ‘i tupulaga talavou ‘e sulufa’i atu ‘i le ED, ‘e tu’uina atu ‘i ai le lagolago fa’alesoifua mālōlōina ‘o le māfaufau ma fa’afeso’ota’i isi ‘au’aunaga ‘a le mālō, ‘o lo’o fesoasoani ‘i mafatiaga mō tupulaga talavou. ‘E ‘āmata mai ‘iā Sētema, ‘o le ‘ā fa’agāsolo ai fa’ata’ita’iga ‘i falema’i ‘i ‘Aukilani, Middlemore, Waikato, Uēligitone ma Kalaiesetete. ‘O le ‘ā fa’agāsolo ‘i isi falema’i ‘e tolu ‘i le tausaga fou, mā ‘o se suiga la’ititi mai le fuafuaga na fa’ata’atia mai, sā talanoaina ai le ta’i fā ‘o falema’i ‘i le tausaga.

‘E i le vā ‘o le $300,000 ma le $500,000 ‘i le falema’i, le tupe ‘e fa’atupe ai ‘e le Te Whatu Ora lea polokalame, pei ‘ona fa’alauiloa ‘e Doocey iā Mati.

ATA: RNZ