Āfāina tele meaola fagafao ‘i mea fa’apāpā po’o fireworks ‘o le Guy Fawkes

‘A’o lumana’i ai le aso fa’amanatu ‘o mea fa’apāpā po’o fireworks, ‘ua fa’ailoa mai ‘e se tasi ‘o kamupanī ‘e ‘inisiuaina meaola ma fagafao ‘e fa’apea ‘e fefefe tele meaola ‘e iai pusi ma maile pe ‘ā pāpā fireworks, ‘e māfua lea ‘ona ‘o le lelei ‘o la lātou fa’alogo ‘e pei ai ‘e leotele atu le pā ‘o se mea fa’apāpā nai lō lona mālosi māsani.  ‘O le kamupanī lenei ‘e igoa ‘o le PD Insurance ‘ua tele talosaga ‘ua lātou feagai ‘e a’afia ai meaola ma mea fa’apāpā po’o fireworks, ‘o nisi talosaga ‘e aofia ai ni ta’ifau na lāvevea ‘i ni ta’avale ‘i le taimi na sōsola ‘ese ai mai ni mea fa’apāpā, ‘o nisi fo’i tagi ‘e aofia ai ni solofanua ‘ua lāvelavea ma fa’amanu’alia ‘i ni pā, ‘ina ‘ua ō ‘i le ‘ātoa ‘i le fefefe ‘i mea fa’apāpā. 

Na fa’ailoa mai ‘e le tama’ita’i ‘ōfisa sīnia ‘o le PD Insurance, ‘o Michelle Le Long, ‘o nisi fa’alavelave ‘ua aliali mai ‘e aofia ai le mamate ‘o ni fagafao ‘a nisi tagata, ‘a’o nisi fo’i meaola na fasimatea ai ‘ona ‘o le tūgā ‘o lātou manu’aga mai mea fa’apāpā po’o fireworks.

 Link to RNZ (article) translated by Savelina Kasiano:https:https://www.rnz.co.nz/news/national/532719/fireworks-season-not-fun-for-aotearoa-s-pets-insurer

Ata: SCR / Savelina Kasiano