A’afiaga ‘i le kiwisaver ‘a le tagata penefiti pe ‘a vave tala

‘Ua fautuaina ‘e se sui o le Matāgāluega o Aga Feso’ota’i le MSD, tagata o lo’o maua penefiti, ‘i a’afiaga o ā lātou penefiti pe ‘a fuafua ‘e vave tala se vāega o ā lātou kiwisaver. ‘E silia ma le $49mīlona tāla tupe o Kiwisaver na tala i tua iā Mati, ‘e tagata ‘e to’a 5610. ‘E sili atu lea fuainumera nail ō Mati o le tausaga talu ai. Saunoa Graham Allpress o el MSD, ‘e ui e lē a’afia le penefiti pe ‘ā fa’atasi ona tala le kiwisaver ona o māfua’aga i le lē gafatia ona tootgi o pili ma taumafa, peita’i, ‘a soso’o ona tala pē ta’i tolu māsina ma tala, ‘o le ‘a aofia i totonu o tupe maua ‘a le tagata penefiti, ma toe fa’atūlaga ai le penefiti.

 ‘I lalo o le tūlāfono Social Security Act 2018 o lo’o fa’amanino ai lea vāega. ‘O so’o se tupe maua fa’avaitaimi, ‘e tau aofia ‘uma i lalo o tupe maua. ‘E mafai ona a’afia ai le agava’a ‘i le Accomodation Supplement ma isi fesoasoani tupe. Fa’ailoa e Allpress, ‘e tāua le fa’afeso’ota’i e tagata ‘o fesoasoani tupe mai le Matāgāluega o Aga Feso’ota’i nai lō le aga’i e tala kiwisaver. 

Link to RNZ (Article): https://www.rnz.co.nz/news/business/593023/benefit-warning-for-kiwisaver-withdrawals

ATA: RNZ / Quin Tauetau