8 moliaga ‘o lē sa ‘avea muamua ma sui Komesina ‘o leoleo Jevon Mc Skimming

‘E valu moliaga ua mōlia ai lē sa ‘avea muamua ma sui komesina ‘o leoleo Jevon McSkimming, ‘i lona ’umiaina ‘o ni ata matagā ‘i luga ‘o ana masini mai a lātou su’esu’ega I tausaga e fa. Na fa’amāvae McSkimming ‘a’o fa’agāsolo ai su’esu’ega ‘e le Pūlega ‘a le Matāgāluega ‘e va’aia fa’atinoga fa’apea tū ma aga a leoleo. Na pu’eina McSkimming ‘i le fa’ai’uga ‘o Iūlai ma fa’alauiloa fa’alaua’itele ‘i le Aso Gafua lona igoa.

Na fesiligia Coster, o lē sa lā gālulue fa’atasi ‘i lea taimi ‘e uiga ‘i lea matā’upu ‘i se fa’atalanoaga ‘i luga ‘o le Nine ‘i le aoauli ‘o le Aso Tofi. Na saunoa Coster ‘e lē fetaui iā te ia lona fa’asoa ‘i lea matā’upu ona lea ua ‘i luma ‘o le fa’amasinoga. ‘E le’i fa’auluina se tali ‘a Mc Skimming, ma o lo’o tatala ‘i tua ‘e tālia lona fa’amasinoga ‘i le māsina ‘o Nōvema. Na fa’aalia muamua ‘e le Komesina ‘o leoleo Richard Chambers, ‘e leai se isi e i luga ‘o le tūlafono ma ‘o le ‘ā tulimata’i le i’uga ‘o su’esu’ega ma le fa’amasinoga. 

Link to RNZ (Article) translated: https://www.rnz.co.nz/news/national/569284/mcskimming-allegations-really-disturbing-former-police-commissioner

ATA: RNZ / Samuel Rillstone.