$75,000 pāsia ‘e le Pūlega ‘a ‘Aukilani mō le 50 tausaga ‘o le Polyfest ‘a ā’oga

‘E 75,000 afe tālā le vaegātupe ‘ua pāsia ‘e le Pūlega ‘o le ‘a’ai ‘o ‘Aukilani, mō le fa’ailogaina ‘o le 50 tausaga ‘o le fa’aaliga tele ‘o tū ma aganu’u ‘a ā’oga ‘o Niu Sila, lea ‘e fa’aigoaina ‘o le POLYFEST.

‘O lea fa’aaliga ‘e ‘āuai le tele ‘o kolisi ma ā’oga ‘ese’ese ‘i totonu ‘o Niu Sila ‘i tausaga ‘uma, ‘e fa’aalia ai siva ma pese ma fa’afiafiaga ‘a atunu’u ‘ese’ese ‘o le Pasefika.

Mā ‘o le tausaga fou ‘e ‘ātoa ‘i ai le 50 tausaga talu ‘ona fa’agāsolo mai ‘i totonu ‘o ‘Aukilani.

Na fa’ailoa mai ‘e le sui mai Manurewa ma Papakura ‘i totonu ‘o le Council ‘a ‘Aukilani, ‘o Angela Dalton, ‘o le POLYFEST ‘ātoa ma isi fa’alāpotopotoga ‘e silia ‘i le 20 sā talia ‘a lātou talosaga mō ni fesoasoani tau tupe mai le Pūlega ‘o le ‘a’ai ‘o ‘Aukilani.

Link to RNZ (Article) translated by Lauano Ati Ilaoa: https://www.rnz.co.nz/news/top/530028/50th-anniversary-of-polyfest-gets-funding

ATA: A St Cuthbert’s College group performing at Polyfest. Stuff / David White (Source: RNZ).