70% si’itia ai le tau ‘o paka mō ta’avale ‘i Aotearoa

‘E 70% ‘ua siitia ai le tau mō pāka ‘a ta’avale iā Aotearoa ‘atoa, ma ‘ua tūla’i mai ai se fesili, ‘o mafai ona ‘alo ese mai tagata ‘i le totogiina ‘o ia paka? ‘Ua si’itia māualuga tau ‘o paka  mō le taimi muamua mai le 20 tausaga talu ai.

‘O le paka $40 na māsani ona maua ‘i Uēligitone, ‘ua o’o atu ‘i le $70. ‘Ā lē sa’o le tupe ‘e tu’uina ‘i masini ‘e totogi ai le ‘umi ‘o le paka, ‘e mafai fo’i ona toe fa’aopoopo ‘i luga le sala, se tupe pe ‘ā ‘ova le taimi ‘e paka ai mai le taimi na totogiina, ma e lata ‘i le $100. ‘O le aso muamua o ‘Oketopa na ‘āmata fa’amamaluina ai ia tau fou. ‘E iai le avanoa ‘e mafai ai ‘ona ‘apili se sala pe ‘ā lafo atu, peita’i ‘e seāseā lava sa’o se tagata fa’atau. ‘E ‘ese’ese tau ‘o sala mō paka ‘a pūlēgānu’u ma paka ‘e ‘umia tūma’oti ‘e pei ‘o le Wilson parking.

‘O paka tūma’oti ‘e $65 ‘i le $85 sala pe ‘ā ‘ova le taimi ‘e paka ai le ta’avale, peita’i ‘ua iai ni fa’aseā ‘i le lē fea ‘o ia sūiga, ona ‘a $65 le sala ‘e totogi ona ‘o le ‘ova na paka ‘i le 10mīnute ‘i le supamāketi, ‘e lē fetaui tele, pei ‘ona tā’ua ‘e se tagata ‘i luga ‘o le leitiō Niu Sila.

Link to RNZ (Article) translated by Anna Fa’asolo: https://www.rnz.co.nz/news/national/529667/prices-are-up-for-parking-tickets-but-what-can-you-do-if-you-get-stung

ATA: RNZ / Marika Khabazi