7 miliona tālā ‘o le ‘ā taulimaina  ‘e le Mālō mai le Public Trust

‘E fitu miliona tālā ‘o le ‘ā taulimaina ‘e le Mālō, ‘o se saofaga mai le Fa’alāpotopotoga Tausi Mavaega po’o le Public Trust, ‘ona ‘o le maualuga ‘o la lātou tupe maua ma le fa’atuputupula’ia ‘o ana polōfiti.  Na tā’ua ‘e le Pule sili Glenys Talivai, sā matuā lelei ma mālosi lava le fa’atinoga ‘o gāluega ‘ese’ese ‘a le fa’alāpotopotoga ‘i le tausaga fa’aletupe 2026 (FY26)

Sā lātou fesoasoani ‘i le faitau afe ‘o tagata Niu Sila ‘e fuafua ma tāpena lo lātou lumanaʻi, lagolagoina tagata vaivai ‘ua lē toe mafai ‘ona lātou puleaina ā lātou lava matā’upu tau tupe, ma tu’uina fautuaga mō tagata ‘i le va’ava’aiga tūto’atasi ‘o KiwiSaver ma isi fa’aputugātupe.

Sā lātou ‘inivesi ‘i le ātina’ega ‘o tomai ma agava’a ma le tēkonolosi ‘e lagolagoina ai le tuputupu a’e pea ‘o le fa’alāpotopotoga ‘i le lumana’i, ma sā lātou ‘ausia fo’i se taunu’uga lelei ‘i tūlaga tau tupe.”

‘O vāega ‘autū mō le 12 māsina ‘e o’o mai ‘i le fa’ai’uga ‘o Iuni 2026 fa’atusatusa ‘i le tausaga ‘i tua atu, ‘e aofia ai le 10.1 miliona tālā ‘o le polōfiti mamā ‘a’o le’i ‘ave’eseina le lāfoga ‘o le tala fa’aletupe 2025, ‘e 6.5 miliona tālā.  ‘E 88.0 miliona tālā le tupe maua fa’aletausaga.  $1.7 piliona tupe ‘o ‘inivesi ‘i lalo ‘o le pūlega ma le $7 miliona ‘o le saofaga ‘i le mālō.

Link to RNZ (Article): https://www.rnz.co.nz/news/business/2217457/government-to-receive-7-million-full-year-dividend-from-public-trust

IMAGE/ATA: Public Trust (RNZ).