$6.8 miliona tupe gau ‘a tagata Niu Sila ‘i solitūlāfono ‘i luga ‘o masini fa’atekonolosi

‘E $6.8 miliona tupe gau ‘a tagata Niu Sila ‘i solitūlāfono ‘i luga ‘o feso’ota’iga ‘e fa’aaogā ai masini fa’atekonolosi ‘e pei ‘ona tā’ua ‘i ni fuainūmera fou mai le National Cyber Security Centre.  ‘O ia fa’amaumauga ‘e mai le aso 1 ‘Aperila ‘e o’o atu ‘i le aso 30 Iuni.  ‘O le tele ‘o lea vaegātupe, ‘e mai ni lipoti ‘e 11 sā i luga atu ‘o le ta’i $100,000. 

Na si’itia fo’i le aofa’iga ‘o tupe ‘e gau mai fa’afitāuli ‘e aofia ai le tagofia ‘o ni teugātupe ‘e aunoa ma se fa’atagaga, ma ‘e $3.6 miliona ni tupe ‘a tagata Niu Sila na gau ai.  ‘O fa’afitāuli pito sili ‘ona ta’atele ‘e līpoti atu, ‘o gāioiga ia ‘e gaoi ai fa’amaumauga patino ‘o tagata ‘ae fa’aaogā ‘e faia ai gāioiga fa’asolitūlāfono, fa’apea ma gāioiga ‘e ‘ave fa’agaoi ai fa’amaumauga ‘o ‘upu fa’alilolilo ma isi fa’amaumauga patino mā ‘e tusa ma le 484 lipoti ‘o ia gāioiga, ‘e 434 lipoti ‘o tau fa’asesē ma isi lipoti ‘e 167 ‘o le o’o ‘i fa’amaumauga patino ‘o isi tagata ‘e aunoa ma se fa’atagaga.

Link to 1News (Article) translated by Savelina Kasiano: https://www.1news.co.nz/2024/09/18/kiwis-lost-68-million-to-cybercrime-last-quarter/

ATA: Sāmoa Capital Radio (file).