500kilomita le mamao na alu ‘i ai se tamaitiiti a’oga e su’e ai lona laisene

Na fa’aalia ‘e se tagata ‘e faia ā’oga ‘aveta’avale, ‘e iai se tasi ‘o tagata na ia a’oina lana ‘aveta’avale na malaga ‘i se mamao ‘e 500 kilomita, ‘e su’e lona laisene ‘āto’atoa ‘ona ‘o le ‘umi ‘o taimi fa’atalitali mō se avanoa. 

‘E 20 tausaga ‘o faia ‘e Alistair McGregor le Ā’oga ‘aveta’avale ‘i Counties ‘i ‘Aukilani ma na ia tā’ua ‘e ono ītūlā na malaga ai lea tagata mai Pukekohe aga’i ‘i Dannervirke mō lana su’ega.  ‘O le tausaga nei na fa’ailoa ai ‘e le mālō le toe ‘ave’esega ‘o le avanoa lea e su’e ai ‘e aunoa ma se totogi tagata ‘e su’e laisene ‘aveta’avale ‘ina ‘ia fa’aitīitia ai le ‘u’umi ‘o taimi fa’atalitali.  ‘O Iūlai na ‘āmata ai aiāiga fou, ‘e na’o le tasi le su’ega ‘e lēai se totogi mō le laisene Class 1 ‘ae ‘ua iai fo’i suiga mō tagata mai fafo e toe liliu pe sui ai o lātou laisene.  ‘O lo’o iai le talitonuga, ‘o le ‘ā matuā pisi lava nofoaga ‘e faia ai su’ega ‘o laisene latalata ‘i le Kerisimasi.

Link to RNZ (Article) translated by Savelina Kasiano: https://www.rnz.co.nz/news/national/525507/student-drives-500km-to-sit-full-licence-due-to-long-wait-times-locally

ATA: RNZ / Sara Vui-Talitu