50 gāluega vāea mai le TVNZ

‘E 50 gāluega ‘ua fuafua le TVNZ ‘e fa’amālōlō pe vāea, mā ‘o se vāega ‘o le toe fa’atūlagaga ‘o le gāluega ‘ina ‘ia fa’asaoina ai le 30 miliona tālā ma ‘ua vala’auliaina le ‘aufaigāluega ‘i ni fonotaga ‘i le asō.  ‘I se fe’au na fa’ao’oina atu ‘i le ‘aufaigāluega, na saunoa ai le ‘ōfisa sili ‘o le TVNZ, Jodi O’Donnell, ‘e 50 gāluega ‘o le ‘ā fa’amuta, ‘ona ‘e 90 gāluega ‘ua ‘ave’esea, ‘ae ‘āmata nisi matāfaioi fou se 41. 

Na saunoa O’Donnell, ‘o lo’o tatala le avanoa mō ni finaglo ‘o le ‘aufaigāluega, ma ‘e le’i faia ni fa’ai’uga se’ia māe’a ‘ona iloilo ‘uma finagalo ‘o le ‘ā fa’ailoa atu.  ‘O le vāiaso talu ai, na toe sui ai se fa’ai’uga muamua na faia ‘a le TVNZ, ‘e tāpuni ai la lātou ‘upegatafā’ilagi ‘o le 1News, peita’i, ‘o le ‘ā fa’aauau pea, ‘ae ‘o le ‘ā fa’aitiitia.

Link to RNZ (Article) translated by Savelina Kasiano: https://www.rnz.co.nz/news/business/533010/tvnz-plans-to-axe-50-jobs

ATA: RNZ/Marika Khabazi