47 piliona tālā le pili mo falema’i fou ma gāluega toe fa’aleleia ‘i le isi 10 tausaga – Health NZ

‘Ua iai le talitonuga ‘o le ‘ā o’o atu ‘i le 47 piliona tālā le tau ‘o le fauga ‘o falema’i fou fa’atasi ai ma le fa’aleleia ‘o falema’i ‘o lo’o iai, mo le isi 10 tausaga ‘o lumana’i ‘e tusa ai ma se līpoti ‘a le Soifua Mālōlōina ‘a Niu Sila. 

‘O le pili fo’i ‘e fa’aleleia ai paipa ‘o fa’alētonu, ‘o le suiga ‘o uaea tuai ma isi fa’afitāuli ‘i falema’i tuai ‘a le atunu’u, ‘e atagia mai ‘e faitau selau miliona tupe ‘e fa’aleleia ai, ‘e tusa ai ma se fa’amatalaga na tu’uina atu ‘i le Minisitā ‘o le Soifua Mālōlōina, Shane Reti, pei ‘ona māua ‘e le Leitiō Niu Sila ‘i lalo ‘o le Tūlāfono ‘o Fa’amatalaga Āloa’ia.  ‘O lo’o au’ili’ili ‘i le līpoti, ni fuafuaga ‘o lo’o iai mō ni polōketi se 300 ‘o gāluega tetele ‘e $46.9 piliona ‘i le isi sefulu tausaga ‘o lumana’i.  ‘O le tīnoitupe ‘e talosagaina ‘e falema’i ‘a’o lumana’i Pāketi ta’itasi ‘e fau ai gāluega fou ma toe ātina’e ai gāluega ‘o iai, na si’itia mai le $15 piliona ‘i le 2020, ‘i se aofa’iga ‘e $24 piliona ‘i le 2022, ‘ae $34 piliona ‘i le tausaga nei. 

Link to RNZ (Article) translated by Savelina Kasiano: https://www.rnz.co.nz/news/national/525079/47b-bill-for-new-hospitals-and-repairs-over-next-decade-health-nz

ATA: Sāmoa Capital Radio (file).