45% tamaiti na su’e ‘i le nūmera, tusitusi ma le faitau tusi ‘i le NCEA ‘i luga le ‘initaneti, ‘e le’i pasi.

‘E tau lē maua le ‘afa o le nūmera o tupulaga talavou na taumafai ‘e pasi su’ega o le NCEA ‘i le faitau tusi ma le nūmera ‘i luga o le ‘initaneti i lenei tausaga, sa fa’amanuiaina pē pasi, pei ona fa’alauiloa e le leitiō Niu Sila ‘i le asō.’Ua fa’asalalau e le ‘Ōfisa o Pūlega o Fa’ailoga Taualoa a Niu Sila fa’ai’uga o le su’ega ‘ō Sētema, fa’apea fo’i fa’ai’uga fa’aopoopo ‘e iloilo ai su’ega na faia iā Sētema ma Mē. Ua lātou fa’aalia e sili atu ‘i le 100,000 tamaiti ā’oga na taumafai e lē itiiti ifo ma le tasi le su’ega e su’e ‘i ta’amilosaga po’o rounds e lua, ma e sili atu i le 80,000 na fa’atautaia matā’upu ta’itasi.’E 55% ‘o lātou na pasi le nūmera, 66% ‘i le tusitusi ma le 70% na pasi le faitau tusi.

‘E tatau ‘i tamaiti ā’oga ona pasi uma su’ega ‘e tolu, a’o le’i maua so’o se fa’ailoga ‘o le  NCEA.’O le fa’ai’uga o su’ega o le nūmera, na fa’ailoa ai e lē itiiti ifo ma le 39,000 tamaiti ā’oga ‘e le’i agava’a mō se tusi pasi ‘o le NCEA. Peita’i, o le to’atele ‘o tamaiti ā’oga sā taumafai ‘i su’ega i lenei tausaga sā i le Tausaga 10 (51,252), ma le isi 25,820 ‘e mai le Tausaga 11. ‘I le 2023, ‘e 66,500 tamaiti āʻoga na taumafai ‘i ta’amilosaga e lua ‘o suʻega, 69% na pasi le faitau tusi, 64% le tusitusi ma le 62% ‘i le matā’upu o le nūmera.‘Ua fa’aalia le popōlega o puleā’oga ina ne’i si’itia tele le pasene ‘o tamaiti ā’oga ‘e tu’ua ā’oga ‘e aunoa ma ni fa’ailoga. ‘I le 2023, ‘e 16% o tamaiti ā’oga ‘e lēai ni fa’ailoga NCEA, si’itia mai le 11% ‘i le 2019. ‘E $2.5 miliona le tupe ua fa’aalu e le mālō ‘i fesoasoani mulimuli ‘e fesoasoani ai ‘i le tusa ma le 10,000 tamaiti ā’oga ‘i ā’oga e 160 ina ‘ia taumafai ai e pasi su’ega.

Link to RNZ (Article) translated by Anna Faasolo: https://www.rnz.co.nz/news/national/535821/45-percent-of-ncea-students-fail-this-year-s-online-literacy-numeracy-tests

ATA: RNZ/Katie Doyle