$420 miliona fa’aaluina ‘e lālā ‘autū ‘a le mālō ‘i konesale ma konekarate ‘i le 9 māsina

‘Ua fa’aalia ‘i ni fa’amaumauga fou, ‘e fa’apea ‘e $420 miliona na fa’aaluina ‘e ni lālā ‘autū ‘a le mālō, ‘i konesale ma nisi tagata na fa’akonekarate ‘i totonu ‘o se piliota ‘e 9 māsina ‘e o’o mai ‘iā Mati.

Na pa’ū tupe fa’aalu ‘i le nā’o le 4.5 pasene ‘o le pili aofa’i ‘o totogi mai matāgāluega ‘autū ‘e 38.  Na fa’aalia ‘e le Komisi ‘o ‘au’aunaga ‘a le Mālō, ‘o se fua pito sili lea ‘ona maualalo talu mai ‘ona ‘āmataina ‘i le fitu tausaga ‘ua tuana’i.

Na pa’ū tupe fa’aalu ‘a le Matāgāluega ‘o Pisinisi, Fa’afotuga ‘o Ma’ema’e Fou ma Gāluega mai se tūlaga maualuga sā ‘i nai tausaga ‘ua tuana’i, ‘i le nā ‘o le $24 miliona; ‘o le Matāgāluega ‘o le Atina’ega ‘o Aga Feso’ota’i ‘i le $31 miliona, ‘e ui ‘o nisi ia ‘o matāgāluega pito tetele ‘a le mālō ‘o lo’o aofia ‘i lālā pito tele tupe fa’aalu ‘i lea piliota ‘e o’o mai ‘iā Mati 2025. 

Link to RNZ (Article) translated: https://www.rnz.co.nz/news/political/563936/core-public-service-agencies-spend-420m-on-consultants-contractors-in-9-months-to-march

ATA: RNZ.