400,000 tagata ‘o lo’o maua penefiti ‘i le taimi nei ‘i Niu Sila

‘O se aofa’iga maoa’e, le lata ‘i le 400,000 afe ‘ia tagata ‘o lo’o lātou maua itū’āiga penefiti ‘ese’ese mai le Mālō ‘o Niu Sia ‘i le taimi nei.  ‘Ua tu’uina mai ai ma se lapata’iga ‘e fa’apea, ‘o le ‘ā si’itia pea lea aofa’iga, ‘a’o le’i ‘āmata ‘ona fa’asolo ifo ‘i lalo.

‘O nei fuainūmera na fa’ailoa mai fa’alaua’itele ‘e le Matāgāluega ‘o le Ātina’e Lautele, le Ministry of Social Development mō le māsina ‘o Sētema.  Na fa’aalia ai, ‘e tusa ‘o le 12 pasene ‘o tagata ‘e tatau ‘ona faigāluega po’o le 391,224 tagata, ‘o lo’o lātou maua le penefiti ‘autū, ‘o se si’itaga ‘e 0.6 pasene pe ‘ā fa’atusa ‘i fuainūmera mō Sētema ‘o le 2023.

‘E sili la’ititi fo’i ‘i le 6 pasene ‘o le faitau aofa’i ‘o le atunu’u, po’o le 204,765 ‘o tagata, ‘o lo’o lātou maua le penefiti su’e gāluega, le JobSeeker support.

Link to RNZ (Article) translated by Lauano Ilaoa: https://www.rnz.co.nz/news/business/531428/record-benefit-number-sparks-unemployment-warning

ATA: 123rf.com RNZ