3000 tagata ‘i Niu Sila ‘o lo’o maua le penisiona ‘ae le’i ‘ātoa le ta’i 65 tausaga

‘E pē ā ma le to’a 3000 tagata ‘i Niu Sila ‘o lo’o maua le penisiona, ‘ae le’i ‘ātoa le ta’i 65 tausaga le mātutua, aofia ai ma se tagata ‘e to’atasi ‘e le’i ‘ātoa lona 30 tausaga. ‘Ae le’i o’o mai le 2020, sa mafai ona fa’aopoopo ‘e le tagata ua penisiona, lona to’alua ‘i le mauaina ‘o le penisiona, pe ‘āfai e le’i āgava’a pē le’i ‘atoa le 65 tausaga. Na mafai ai ona maua le lā ta’i $787.58 ‘i le lua vaiaso.

‘O lea faiga na suia ma ‘ave’esea ‘i le 2020, peita’i ‘e le’i ‘ave’esea penisiona mai ‘iā ‘i latou ‘e lē agava’a, sa fa’aauau pea ona maua lā latou $787.58 ‘i le ta’i lua vaiaso, ‘e fa’aopoopo ‘i penisiona ‘a lātou ta’ito’alua ‘o lo’o agava’a. ‘E to’atolu ‘e ta’i 25 ‘i le 29 tausaga le mātutua, to’aono e ta’i 30 ‘i le 34 tausaga, to’aiva ‘e 35 ‘i le 39 ma le to’a 27 e  mai le  40 ‘i le 44 tausaga. ‘I le 2019, ‘e to’a 13,231 pā’aga e le’i ‘ātoa le ta’i 65 tausaga, na maua le penisiona.

Fa’ailoa ‘e le pule ‘o le informetrics Gareth Kiernan, ‘e tusa ma le 2.5% le nūmera ‘o tagata ta’i 60 ‘i le 64 tausaga le mātutua, ‘o lo’o maua le Jobseeker support, tusa lea ma le 7800 ‘o tagata mātutua iā ‘Aukuso. ‘O lo’o toe va’ava’ai le mālō, pe ono iai ni suiga ‘i lea matā’upu. 

Link to RNZ (Article) translated: https://www.rnz.co.nz/news/business/575274/the-20-somethings-receiving-nz-super

ATA:  RNZ.