300 fale fou ‘o le ‘ā fausia ‘i se atina’e fou ‘i ‘Aukilani

‘O le māsina fou ‘e ‘āmata ai ‘ona fausia ni fale fou se 300, ‘i se vāega ‘o se ātina’e tele mō fale ‘e mautotogi ai tagata ‘i lea vāega ‘o Niu Sila.  ‘O lenei ātina’e tele, ‘ua fa’aigoaina, ‘o le Simplicity Living, ‘o se ātina’e ‘a le Fa’alāpotopotoga tau Tupe ‘e tā’ua ‘o le Simplicity, ‘o se tasi ‘o kamupanī tele na te pūlea ma fa’agaioia KiwiSaver ‘a tagata, ‘i totonu ‘o Niu Sila.

Na fa’ailoa mai ‘e le pule sili ‘o lea kamupanī, le ali’i ‘o Shane Brealey, ‘o lea ‘ua pāsia ‘uma talosaga mō le fa’atinoina ‘o lenei gāluega ‘i Remuera ‘i le ‘ele’ele na o lātou fa’atauina mai le malae tutu’u ‘i Ellerslie.

Na tā’ua ‘e le ali’i pule, ‘o le tau ‘o lenei gāluega ‘e tusa ma le $280-miliona, mā ‘e tatau ‘ona māe’a lelei ‘iā Fepuari ‘o le 2027.  ‘O se tasi ‘o ātina’e fa’apea ‘a lenei kamupanī, na fausia ai ni o lātou fale ‘e 51 le aofa’iga ‘i le pitonu’u ‘o Mt Albert mā na ‘o le tolu ā vāiaso ‘ae nofoia ‘uma.

Link to RNZ (article) translated by Lauano Ilaoa: https://www.rnz.co.nz/news/business/532079/construction-of-300-build-to-rent-houses-in-remuera-set-to-begin

Ata: One to One Hundred Ltd / Supplied by Simplicity Living – A rendition of Simplicity Living’s Build to Rent project in Remuera.