150 itūlā le togisala ‘a Philip Polkinghorne ‘e galue fua ai mō le atunu’u ‘ona ‘o moliaga ‘i le meth

‘E le’i fa’amaonia mōliaga ‘o Philip Polkinghorne, ‘o se tasi na galue ‘o se fōma’i mata ‘i ‘Aukilani ‘i le maliu ‘o lona to’alua, ‘ae ‘ua fa’asalaina ‘i le 150 itūlā ‘e galue fua ai ‘e fa’atino gāluega fesoasoani mō le atunu’u ‘ona ‘o lona ‘ūmiaina ‘o fuālā’au fa’asāina ‘o le methamphetamine.  ‘Ua leva ‘ona fa’agāsolo le fa’amasinoga ‘o Polkinghorne, ma sā fīnau lōia ‘a le mālō, na fa’ao’o ‘e Polkinghorne le oti ‘i lona to’alua ma lona loto ‘i ai, ‘ae nofo ma fa’afōliga ‘o se gāioiga pule ‘i le ola ‘ona ‘o fa’afītāuli tau tupe ma isi āmioga. 

Na fīnau ana lōia, na pule lava Hanna ‘i lona soifua ‘ona ‘o fa’afītāuli ‘o le māfaufau sā a’afia ai mō le tele ‘o tausaga.  Na maua le methamphetamine ‘e 37 kalama ‘iā Polkinghorne ‘e ‘ova atu ma le 13,000 tālā ‘e maua ai, na nanā ‘i totonu ‘o lona fale ‘i Remuera.  Na molia ‘iā Aukuso 2022. 

 Link to RNZ (article) translated by Savelina Kasiano: https://www.rnz.co.nz/news/national/532530/philip-polkinghorne-sentenced-to-150-hours-of-community-work-on-meth-charges

Ata: Philip Polkinghorne tolaulauga ‘o lona fa’asalaga ‘i le meth: RNZ / Marika Khabazi