130 gāluega ono fa’amālōlō ‘i le Woolworths ‘a’o iloilo le sili ‘i ‘Ausetālia ‘o le customer care centre

‘E tusa ma le to’a 130 tagata faigāluega ‘a le Woolworths ‘ua fa’aalia ‘e fa’apea ‘e ono fa’amālōlō, ‘i lalo ‘o se fuafuaga ‘e sifi ai le customer care centre ‘a le kamupanī ‘i ‘Ausetālia, ‘e tusa ai ma se fa’amatalaga ‘a le iuni ‘a tagata faigāluega ‘o le Workers First. 

Na tā’ua ‘e le Iuni, ‘o le fa’aaliga lea na folasia atu ‘i le ‘aufaigāluega ‘i se fono ‘i le ītūlā ‘e tasi ‘i le aoauli ‘o le Aso Lua.  Na fa’aalia ‘e se so’o’upu ‘a le Woolworths, ‘ua ‘ioe le kamupanī, ‘o ni fuafuaga fa’apea ‘o le ‘ā a’afia ai le ‘aufaigāluega mā lātou te lē tu’umāmāina.  ‘Ae ‘o le taimi nei, ‘o lo’o ‘ave la lātou fa’amuamua ‘i le lagolago ‘o lo’o ofo atu ‘i ā lātou tagata faigāluega ma fa’amautinoa fo’i, ‘e lē a’afia ai tagata fa’atau ‘a’o iloiloina la lātou fa’ai’uga. 

Na saunoa Rudd Hughes ‘o le sui failautusi ‘o le iuni ‘o le Workers First, ‘ua fa’amuamua ‘e lea fuafuaga, ‘ia polōfiti nai lō tagata.  Mā ‘o se isi foi lea fa’ata’ita’iga ‘ua toe fa’aalia ai le lē manuia ‘o tagata Niu Sila pe ‘ā fa’atusatusa ‘iā ‘Ausetālia, ‘ona ‘o kamupanī ‘e pei ‘o le Woolworths, ‘e manatu ‘e faigōfie ‘ona suitūlaga ‘i tagata Niu Sila pei ‘ona līpotia ai ‘e le Leitiō Niu Sila.

Link to RNZ (Article): https://www.rnz.co.nz/news/business/1213114/130-jobs-on-the-line-as-woolworths-considers-shifting-customer-care-centre-to-australia-union

IMAGE/ATA: RNZ / Marika Khabazi