120 ‘Āiga Uēligitone ‘ua lē toe maua le fesoasoani mō le tausiga ‘o fānau ‘i gasegase ‘o le māfaufau

‘E 120 ‘āiga ‘i Uēligitone ‘o lo’o tausia ‘a lātou fānau ‘e iai gasegase ‘o le māfaufau, ‘ua lē toe maua le avanoa ‘i ‘au’aunaga ‘e fa’atupeina ‘e le mālō ‘e maua ai le mālōlōga ‘a ‘āiga ‘i le tausiga ‘o fānau, ‘o ‘au’aunaga nei ‘o lo’o pito sili ‘ona lātou mo’omiaina. 

‘O ia suiga, ‘ua fa’aalia ‘e minisitā ‘o le mālō, ‘e le’o fuafuaga ‘a le mālō ‘e fa’asao tupe lea ‘ua māfua ai, ‘ona ‘o lea sa tūlaga lelei lava le pāketi mō lea polokalame.   ‘O le lālā ‘a le Te Whatu Ora ‘i Uēligitone ‘i le polokalame ‘o le ‘carer relief programme’, ‘e toe fa’atumu pē totogi nisi tau mō tagata o lo’o gālulue tūmau ‘i le tausiga ‘o a lātou fānau ‘e iai gasegase ‘o le māfaufau, ‘i taimi ‘e fai ai a lātou mālōlōga.  

‘O le taimi nei, ‘e tatau ‘i ‘āiga ‘e i le polokalame a le lala a le soifua mālōlōina, ‘ona iai ni a lātou community services cards ‘e mafai ai ‘ona lātou maua lea fesoasoani, mā ‘o se suiga ‘o le ‘ā lē mafai ai ‘e ‘āiga ‘e 120 ‘i Uēligitone, ‘ona maua lea fa’amāmā ‘avega pe ‘ā fia maua se mālōlōga ‘i le tausiga ‘o fānau ‘e iai gasegase ‘o le māfaufau.

Link to RNZ (Article) translated by Savelina Kasiano: https://www.rnz.co.nz/news/top/528505/120-wellington-families-lose-access-to-respite-care-support-but-ministers-say-it-s-not-a-cut

ATA: Sāmoa Capital Radio (file).