12 isi tagata na lokaina mai tū’ūga ta’avale ‘i le Aso Fānau ‘o le Tupu

‘E to’asefululua isi tagata na lokaina ma mōlia ‘i le fa’ai’uga ‘o le vāiaso na fa’ailogaina ai le aso soifua ‘o le Tupu ‘i ni tū’ugā ta’avale ‘i Levin.  Na mānunu’a ai ni leoleo ma nisi tagata, na tutu ni mea fa’apāpā, ma fa’aleagaina ni ta’avale ‘a leoleo ‘i le aso 30 Me ‘i lea potopotoga.

Na līpotia pe ā ma le to’aafe tagata na matamata pe ‘āuai ‘i tū’uga, fa’a’i’ī pa’u ma isi solitūlāfono tau ta’avale.  Na fa’aalia ‘e leoleo ‘o lo’o gālulue pea ‘e ao ni molimau ma ni fa’amaumauga mai lea pō.  Na tā’ua ‘e Ross Grantham, ‘o le ta’ita’i leoleo ‘i Manawatū, ‘e matuā mata’utia lava ma fa’avalevalea ni vevesi ma āmioga pā’a’ā ia na va’aia ‘i lea fa’atasiga. 

‘O tagata ia na mānunu’a, na aofia ai ma se tama’ita’i na pa’ū ma matapogia ‘ae tapu’e ‘e isi tagata ata.  Na mumusu fo’i tagata ‘e ō ‘ese ‘ae se’i alu atu le ta’avale ‘a le falema’i.  ‘E to’asefulu tagata na loka ‘i lea pō ‘ona ‘o āmioga lē talafeagai ma mōliaga tau ‘i ta’avale mā ‘o lo’o fa’agāsolo o lātou fa’amasinoga.  ‘E to’asefululua isi tagata ia ‘ua toe ta loka fa’aopoopo ‘i le to’asefulu lea na ta loka ‘i lea pō. 

‘O ‘i lātou ‘ua mōlia, ‘e aofia ai ali’i ‘e to’afitu ‘e i le vā ‘o le 18 ma le 29 tausaga, ma tama’ita’i ‘e to’alua ‘e 18 ma le 51 tausaga ma ‘o le ‘ā tūla’i ‘i le Fa’amasinoga Fa’aitūmālō ‘o Levin.

Link to RNZ (Article) translated: https://www.rnz.co.nz/news/national/565758/levin-invasion-twelve-more-arrests-over-violent-king-s-birthday-boyracer-event

ATA: Supplied/ Video screen grab – The Traffic Fox (RNZ).