11 kulimi ‘o sunscreens na fa’atau atu ‘i Niu Sila ‘e le’o ‘ausia tu’utu’uga ‘o le SPF

‘E 16 ni kulimi ‘e ta’atele ‘ona fa’aaogāina mai le aofa’iga ‘e 20, ‘o kulimi ‘e nini ai le pa’u mō le puipuiga mai ‘ave ‘o le lā, sa iloa ‘i le su’esu’ega, ‘e lē ‘ausia le tūlaga ‘e tatau ‘ona iai pei ‘ona i’u ‘i ai se su’esu’ega fou.  Na su’esu’eina ‘e se fa’alāpotopotoga ‘Ausetālia mō tagata fa’atau, ni sunscreens ‘o le SPF ‘e fa’aaogāina ‘e ‘āiga, ‘e aofia ai le tele ‘o kulimi ‘o lo’o maua ’i Niu Sila.

‘E ui ‘o le tele lava ‘o ia kulimi ‘o lo’o maualuga lava le puipuiga o le SPF peita’i, ‘e tasi se kulimi ‘o le Ultra Violette Lean Screen SPF50+ Mattifying Zinc Sunscreen na maua ane, ‘e na’o le 4 le maualuga.  Na toe su’esu’eina ‘e le Choice, ma fa’amaonia ai le maualuga ‘i le nūmera 5.  ‘O le kulimi lea ‘o lo’o fa’atauina ‘i totonu ‘o Niu Sila ‘i le $58. Na logoina ‘e le Choice kamupanī ‘o lo’o gaosia ia ‘oloa ‘e fa’ailoa ai le i’uga ‘o su’esu’ega na faia. 

Na fa’aalia ‘e Belinda Castles ‘o le Consumer NZ, ‘o se tūlaga ‘e fa’apopoleina tele ai ‘i lātou ‘i le lē fa’ailoa ‘e nei kamupanī ‘o le moni ‘o a lātou ‘oloa, ‘ae po’o fea fo’i ‘o su’esu’eina ai.  ‘O kulimi ia ‘o le pa’u ‘e puipuia ai mai le lā ‘o lo’o fa’atauina ‘i Niu Sila ‘o lo’o aiāia ‘i lalo ‘o le Tūlāfono ‘o le Sunscreen (Product Safety Standard) Act 2022 ma ‘e tatau ‘ona ‘ausia ma fa’amalieina tūlaga ‘o sunscreen ‘i ‘Ausetālia ma Niu Sila lea ‘e aofia ai ma tu’utu’uga mō isi su’esu’ega fa’atūma’oti.

Link to RNZ (Article) translated: https://www.rnz.co.nz/life/wellbeing/11-sunscreens-sold-in-new-zealand-don-t-meet-spf-claims-report

ATA: RNZ.