Sainia le feagaiga ‘a Brian To’o ma le ‘au ‘a le Chiefs ‘a PNG mō ta’amilosaga ‘a le NRL ‘i le 2028

‘I lakapī liki ‘ua līpotia mai ‘Ausetālia le sainia ai ‘o se feagaiga ‘e tolu tausaga ‘e ta’alo ai le alo ‘o Sāmoa, ‘o Brian To’o mō le ‘au liki ‘a le Chiefs ‘a Pāpua Niu Kini.

‘O le ta’amilosaga ‘a le NRL ‘i le 2028 lea ‘o le ‘ā ofi ai ‘i totonu le ‘au fou lenei ‘a PNG, mā na fa’ailoa mai ‘e fa’apea ‘o le to’a ono ai lea ‘iā To’o ‘o tama tā’a’alo liki ‘a ‘Ausetālia, ‘ua fa’amautūina ma saini a lātou feagaiga ‘e tā’a’alo ai mō le Chiefs.

‘O Brian To’o, ‘e pei ‘ona silafia, ‘o lo’o ta’alo nei mō le ‘au ‘a le Penrith Panthers, mā ‘o le tausaga ‘ā sau 2027, lona tausaga mulimuli ‘i lea kalapu ‘ua tele tausaga ‘o ta’alo ai.

‘Ua 151 le aofa’iga ‘o tā’aloga ‘a Brian To’o mō le Panthers, talu ‘ona  ‘āmata ta’alo ai ‘i le tausaga ‘e 2019 mā ‘e o’o mai ‘i le taimi nei, ‘ua 99 le aofa’iga ‘o sikoa ‘ua ia maua mō lana ‘au.

‘O le Panthers ‘i le taimi nei, ‘o lo’o tūlaga muamua ‘i le fa’asologa ‘o ‘au ‘o le ta’amilosaga ‘a le NRL.

IMAGE/ATA: PNG Chiefs Facebook