Sē’ia ‘e Canterbury le talitā mai ‘iā Otago 19-15

‘I tā’aloga lakapī fa’aitūmālō ‘i le fa’ai’uga ‘o le vāiaso, ‘ua sē’ia ‘e Canterbury le talitā ‘o le Ranfurly Sheild lea sā ‘ūmia ‘e Otago, ‘ina ‘ua mālō ‘i la lā tā’aloga ‘i Dunedin ‘i le Aso Sā ananafi.

‘O ‘ai ‘o lea tā’aloga, ‘e pei ‘ona silasila ma māimoa ‘i ai ‘e 19 Canterbury ‘ae 15 Otago.

‘O le 18 ai lenei ‘o taimi ‘ua ‘ūmia ai ‘e le ‘au lenei ‘a Canterbury le talitā lenei ‘o le Ranfurly Sheild, ‘i le ta’amilosaga ‘o lakapī fa’aitūmālō ‘a Niu Sila.

‘O le vāiaso nei lā, lea ‘ua sāuni mai iai le ‘au ‘a le itūmālō ‘o le Bay of Plenty, ‘e lu’i le talitā ‘i la lā tā’aloga ma Canterbury ‘e faia ‘i Kalaiesetete.

IMAGE/ATA: Canterbury Rugby Facebook