Lē toe fa’aaogāina ‘e New Plymouth iPads, toe fo’i ‘i le laupapa

‘Ua faia ‘e se ā’oga ‘i New Plymouth le fa’ai’uga, ‘e fa’ata’atia ‘ese ai masini fa’atēkonolosi po’o iPads, ‘ae toe fo’i lava ‘i le fa’aaogāga ‘o laupapa.  Na tā’ua ‘e le faiā’oga ‘o le Tausaga 1 ma le 2, Leanne Bartlett, ‘ina ‘ua ‘āmata ‘ona fa’atino lea suiga, na iai lava tamaiti na fesili, po’o fea ‘o iai a lātou iPads.  Na fa’amatala lelei ‘i tamaiti, ‘ua fa’ata’atia ‘ese, ‘ae le’i iai lava ni fa’afītāuli na tutupu mai ai.

‘O le toe fo’i ai ‘e fa’aaogā le laupapa ma le penisina, ‘ua mafai ai ‘ona lagona ‘e tamaiti ‘ua sili atu lo latou malamalama, feso’otaʻi ma le gāluega, ma faigōfie ‘ona lātou aʻoaʻoina le tusitusi ma nūmera.

‘Ua o lātou va’aia fo’i, ‘ua sili atu ‘ona fīlēmū ai tamaiti, ‘ua tele fo’i le feso’ota’iga ma isi tamaiti.  ‘E lē fa’apea ‘ua matuā fa’asāina ‘āto’atoa ai le tēkonolosi, ‘ona ‘o le tausaga 4 ma le tausaga 5 ‘e ‘āmata fa’aaogā ai laptops.  Peita’i mō le taimi nei, ‘ua fa’ata’atia ‘ese iPads.

Link to 1News (Article): https://www.1news.co.nz/2026/08/06/new-plymouth-school-ditches-ipads-goes-back-to-blackboards/

IMAGE/ATA: SCR (file).