Fono se faipule (councillor) mai le faletā’ele, ‘a’o se fono tāua

‘Ua maimoaina ‘e le to’atele le gāioiga ‘a se sui ‘o le Pūlēgānu’u ‘a Dunedin, Jo Galer, ‘ona ‘e iai se fono ‘e fa’apea ‘e tāua tele sā ‘āuai ai ‘i le Aso Gafua, na fa’aaogā ai feso’ota’iga fa’atēkonolosi. Na fono le tama’ita’i faipule mai lona fale, ‘ae fōliga mai ‘o totonu ‘o le faletā’ele, ‘ona na iloa atu ‘i le pito ‘i tua, le tautau mai ‘o ni lavalava ‘e fōliga ‘o lo’o fa’amamago.

Na va’aia ‘i le ata na fa’asalalau ‘i luga ‘o le YouTube, ‘o talanoa atu ‘i ai le pulenu’u, Sophie Barker ‘iā Galer, pē lē toe fetu’una’i lana masini ‘o lo’o iloa atu ai lona ata, ‘ona ‘o lo’o iloa atu lana tautaugā lavalava. 

‘E lē gata ‘i lea, ‘e iai le taimi na faia ai sana fa’amatalaga, ‘e fa’atatau ‘i suiga ‘o faigāmālō lāiti, ‘ae va’aia ai le ataata ‘o se tagata ‘i tua ‘o se faitoto’a ‘i tua atu ‘o le tama’ita’i faipule ‘i le pūlēgānu’u.  Na feso’ota’i atu le AFP ‘i le tama’ita’i faipule mō sona finagalo. 

Link to RNZ (Article): https://www.rnz.co.nz/news/politics/894382/we-can-see-your-washing-councillor-joins-meeting-from-bathroom

IMAGE/ATA: YouTube/Dunedin Council / RNZ.