Faia ni suiga tetele ‘a le Jetstar ‘i aiaiga ‘o ‘ato ta’ita’i

‘Ua fa’atūlagaina ‘e le kamupanī va’alele ‘a le Jetstar, ni a lātou suiga tetele ‘i aiaiga mō ‘ato ta’ita’i ‘i a lātou faigāmalaga.  ‘E ‘āmata atu ‘i le māsina ‘o Fepuari ‘i le tausaga ‘ā sau, ‘o le ‘ā mafai ‘e pāsese, ‘ona ‘ave sana ‘ato ta’ita’i ‘e tu’u ‘i lalo ‘o lona nofoa, ‘e pei ‘o se ‘ato fa’afafa, ‘ato ta’ita’i (handbag) po’o se ‘ato ‘o le laptop.  ‘E mafai ‘ona o’o atu ‘i le 10 kilokalama le mamafa. 

‘Ā fai ‘E mo’omia ‘e tagata se avanoa ‘i pusa ia ‘i luga a’e ‘o le nofoa, mō se ‘atopa’u lea ‘e mafai ‘ona ‘ave ‘i luga ‘ae tatau ‘ona totogi.  ‘E $23 le tau pito maualalo, ‘ae fa’ato’ā mafai ‘ona ō pāsese ‘i o lātou nofoa pe ‘ā ‘uma ‘ona fa’asolo pāsese ‘i le vāega ‘o pisinisi (business class) ‘e fō’ia ai le tau sa’ili ‘o ni avanoa ‘i luga mō le teuga ‘o ‘ato. 

Na fa’aalia ‘e le pule sili Stephanie Tully, ‘o ia suiga fou, ‘e tele ai filifiliga mō pāsese, ‘ae fesoasoani fo’i ‘ina ‘ia fa’apa’ū ai pea le tau ‘o pāsese.  ‘E totogi lava na’o mea ‘e mo’omia ‘e le tagata, ‘ā itiiti lava meatōtino ‘e malaga ma le tagata, ‘o le taugōfie fo’i lea ‘o le tau na te totogiina, ‘ae mafai lava ‘ona fa’aopoopo pe ‘ā fai ‘e na te mo’omiaina.

Link to 1News (Article): https://www.1news.co.nz/2026/08/05/jetstar-passengers-to-pay-to-use-overhead-lockers-free-under-seats/

IMAGE/ATA: SCR (file).