Tu’ua’ia ‘e Nicola Willis le maualuga ‘o le tau ‘o le soifuaga ‘iā Trump

Na saunoa le Minisitā ‘o Tupe, Nicola Willis, ‘ua māfua ‘ona si’itia le tau ‘o le soifuaga ‘i Niu Sila, ‘ona ‘o le Peresetene ‘o le Iūnaite Setete, Donald Trump. 

‘I fa’amaumauga na fa’alauiloaina ‘i le aso ananafi ‘a le StatsNZ, na fa’aalia ai, ‘e 4.1 pasene na si’itia ‘i ai le tau ‘o le soifuaga, ‘o se fuainūmera pito sili ‘ona maualuga ‘i totonu ‘o le lua tausaga pe sili atu fo’i, ‘a’o si’itia ai tau ‘o suau’u ma penisini ‘ona ‘o le taua ‘a le Iūnaite Setete ma Iran.

‘Ua atagia mai ia fuainūmera le maualuga ‘o tau ‘o suāu’u ‘i le lalolagi, ma ‘e lē mafai ‘e le mālō ‘ona pūleaina.  Na saunoa Willis, ‘ua fa’ailoa mai ai, ‘o le si’itaga ‘a Trump, ‘e māfua ‘ona ‘o le taugatā ‘o le penisini fa’apea ma le tiso.  ‘Ana fa’apea ‘e lē maualuga tau ‘o suāu’u ma penisini, semanū ‘e 2.9 pasene le tau ‘o le soifuaga, ‘o se fuainūmera na fuafuaina ‘e la lātou faigāmālō. 

Peita’i, ‘e lē na’o penisini ia ‘e alu ai ‘i luga le tau ‘o le soifuaga.  ‘E 12 pasene ma le 9 pasene na si’itia maualuga ai tau ‘o ‘eletise ‘i le tausaga.  Na saunoa Willis, sā ‘ioe le mālō ‘ina ‘ia tele le ‘eletise ‘e mafai ‘ona gaosi mai ‘i le mālosi’aga fa’afouina, ma ‘e mafai ‘ona pa’ū ai tau ‘e totogi ‘e ‘āiga ‘i le lumana’i.   

Link to RNZ (Article): https://www.rnz.co.nz/news/political/759223/nicola-willis-blames-trump-spike-for-high-inflation

IMAGE/ATA: RNZ / Samuel Rillstone