Fuafua Vaovasamanaia Winston Peters ‘e feiloa’i atu ‘i Minisitā mai Niuē, Fiti ma Sāmoa

‘O ananafi na fa’amoemoe ‘e faia ai se feiloa’iga ‘a le Minisitā o le Vā i Fafo Vaovasamanaia Winston Peters ma Minisitā mai Niuē, Fiti ma Sāmoa. ‘E le’i leva atu nei ona saini le māliliega tau i le puipuiga ‘a Ausetālia ma Papua Niu Kini ‘i le tausaga na te’a nei, fa’apea le isi māliliega na sainia ma Fiti ‘i le vaiaso talu ai.

Na saunoa Peters, ‘ua lē mautonu le lalolagi lenei taimi ‘i faiga fa’apolokiki, ‘o le mea pito sili ona tāua i le taimi nei, ‘o le gālulue fa’atasi o atunu’u ma fa’alelei feso’ota’iga. ‘O le aso Tofi na faia ai se fonotaga fa’aminisitā ‘i le vā o Sakiasi Ditoka o Fiti fa’apea Fata Ryan Schuster ‘o Sāmoa ma le Minisitā o fefa’ataua’iga Todd Mc Clay. ‘O le taimi muamua lea ‘o le ‘ā feiloa’i atu ai Dalton Tagelagi o le Palemia o Niuē iā Vaovasamanaia, talu ona toe filifilia ‘i le tofi iā Mē.

Link to RNZ (Article): https://www.rnz.co.nz/news/politics/724687/winston-peters-to-meet-with-ministers-from-niue-fiji-and-samoa

IMAGE/ATA: RNZ / Baz Macdonald