Fa’amāonia le fa’ama’i o le Bird Flu po’o le fa’ama’i ‘e maua ai manufelelei ma moa ‘i totonu o Niu Sila

‘O le aoauli ananafi na fa’amāonia mai ai ‘e le Minisitā mō le Puipuiga ‘o le atunu’u mai fa’ama’i ma meaola fa’alāfuā Andrew Hoggard, ua fa’amāonia le maua ‘o se manu o le brown skua ‘i le matāfaga ‘i Petone ‘i le Bird Flu po’o le fa’ama’i e maua ai manufelelei ma moa. Na valo’ia ‘i ni nai aso talu ai le o’o mai ‘o le Bird Flu ‘i le atunu’u, ‘ona ‘o le tūlaga pei ona ‘iai i Ausetālia.

‘E silia ma le 10 ni matā’upu ‘ua maua ai le vairusi mata’utia ‘o le H5N1 ‘i totonu ‘o ‘Ausetālia talu ‘ona o’o ‘i ai le fa’ama’i ‘i le māsina talu ai. Na maua ni manufelelei ‘ua a’afia ‘i le fa’ama’i ‘i totonu ‘o ‘Ausetālia ‘i Sisifo ma Saute fa’apea ma Niu Sau Uelese, ma ‘ua fa’aalia fo’i le ono maua ‘i Kuiniselani ‘i le fa’ai’uga ‘o le vāiaso.  Na saunoa le Minisitā Andrew Hoggard ‘i luga ‘o le Checkpoint i le aso ananafi, ‘e tele ‘auala ‘e felelei mai ai manulele mai ‘Ausetālia ‘i Niu Sila.

‘E ono mafai foʻi ‘ona o’o mai le fa’amaʻi ‘o le fulū ‘o manu felelei ‘e ala ‘i manu ‘e felelei ‘mai le itū ‘o ‘Anatātika. Na fa’asilasila ‘e le Matāgāluega ‘o le Fa’asao ‘i le māsina nei, ‘o le ‘ā ‘āmata ‘ona faia tui puipui ‘o nisi ‘o manu felelei ‘e pito sili ‘ona lamatia mai le siama ‘o le H5N1 ‘ina ‘ia puipuia ai ia meaola. 

Link to RNZ (Article): https://www.rnz.co.nz/news/environment/723622/the-h5n1-strain-of-bird-flu-has-been-confirmed-in-nz-what-now

IMAGE/ATA: Sarah Fisher/Pest Free Onetahua (RNZ).