90 mīlona tālā na toe fa’afo’i e le Commerce Commission ‘i tagata fa’atau

‘Ua fa’ailoa e le Commerce Commission po’o le Kōmisi mō matā’upu tau ‘i pisinisi ua lātou ‘ausia nisi māliliega se tolu ma faletupe, a’o sāunia ‘e tu’uina atu matāfaioi ‘i le Credit Contracts and Consumer Finance ACT po’o le CCCFA ‘i se isi ofisa. ‘E amata atu i le Aso Lulu ona ‘avea le Financial Markets Authority ma ofisa ‘e nafa ma le fa’atinoina fa’apea le va’aiga o lea tūlāfono.

‘O māliliega ua faia ma faletupe a le ASB, TSB ma le Nelson Building Society. Na ‘ioeina uma ‘e ia fa’alāpotopotoga lo lātou lē usita’ia o tūlāfono ‘e fa’atatau i le faiga o nonōgātupe ma le lē fa’amāoni ‘i tagata nonō tupe, ‘e pei ona fa’ata’atia mai lalo o le CCCFA. ‘O le ‘ā mafai ona toe totogi atu tupe i tagata na lē sa’o le faiga o ā lātou nonōgātupe ‘i ia faletupe. ‘O ia māliliega ua ‘ausia ai ‘e le Commerce Commission le pē ā ma le $90 mīliona tālā o tupe ua toe fa’afo’i atu ‘i tagata. Mai le 20 tausaga ua tuana’i, e silia ma le 60 matā’upu na ō lātou ‘ave i le fa’amasinoga, manumālō ma totogi ai fa’asalaga ‘e silia ma le $100 mīlona tālā.

Link to RNZ (Article) written by Susan Edmonds of RNZ: https://www.rnz.co.nz/news/personal-finance/642968/commerce-commission-celebrates-handing-90-million-back-to-customers

IMAGE/ATA: RNZ / Google Maps