Fa’aauau suiga ‘i le Lakapī Niu Sila

‘O lo’o fa’aauau ona faia suiga ‘i le pūlega o le Lakapio Niu Sila. ‘O Michael Collins lea sa ‘avea ma pou i le ‘au a le Chiefs ua filifilia e fai ma chiefs rugby officer. ‘E tele tofiga māualuluga na ‘umia ‘e Collins, ‘e aofia ai le ‘avea ma pule sili ‘i le ‘i le Iuni lakapī ‘a Taranaki ma le ‘au a le Sifi. ‘O lo’o galue nei ‘i le Bond University ‘i Gold Coast ‘i Ausetālia, ‘o lo’o ‘avea ai ma fa’atonu mō ta’aloga.

‘E 82 ta;aloga na ta’alo ai mō le ‘au a le Chiefs, fa’atasi ai le kapeteni ‘i le isi ta’amilosaga. Na ta’alo fo’i ‘i le ‘au a Waikato i le NPC. Na tā’ua ‘e le Lakapī Niu Sila, ‘o Collins o le ‘ā ta’ita’iina gāluega fa’apolōfesa uma a le Lakapī Niu Sila ‘i le lakapī, fa’apea ta’amilosaga, ‘o lakapī fa’aitūmālō, ‘atoa ai ma lona fa’atautaia ‘o so’otaga ma māliliega o faigāpā’aga ‘i le vā o ta’aloga.

Link to RNZ (Article) written by RNZ Sport reporters: https://www.rnz.co.nz/news/sport/620959/change-continues-at-the-top-of-new-zealand-rugby

IMAGE/ATA: NZRugby